မျှော်လင့်ချက်တွေ မိုးလိုရွာမယ့်နေ့

ခုတလော ဘာစာမှသိပ်မရေးဖြစ်ဘူး။ ကျနော့်စိတ်တွေ ရှုပ်နေတယ်။ ဝေခွဲမရတာတွေ၊ ပုပန်တာတွေနဲ့ စိတ်ညစ်ရတဲ့ကြားထဲ စာရေးတဲ့သူတွေထုံးစံအတိုင်း ဟိုဟိုသည်သည်လျှောက်စဉ်းစားနေမိတော့ ပိုဆိုးတယ်။ အားလုံးကို စိတ်ထဲမှာ သယ်ပိုးမထားနိုင်တော့လည်း ချရေးနေမိပြန်တာပါပဲ။ ဒီတစ်ခါလောက် စည်းဖောက်မိတာလည်း ဒီတစ်ခါပဲရှိမယ် ထင်တယ်။ ဘာလို့လဲဆိုတော့ ခါတိုင်းဆိုရင် ကျနော်စာတစ်ပုဒ်ရေးမယ်ကြံတိုင်း ဖတ်ရမယ့်သူတွေကို ငဲ့ပါတယ်။ ငါရေးတဲ့ စာကိုဖတ်ပြီး သူတို့အတွက် ဘာကျန်မလဲဆိုတာမျိုးပေါ့။ ဒီတစ်ခါတော့ ကိုယ့်ဖြေသိမ့်ရာကိုယ်တွေးပြီး ရေးမိတဲ့စာဆိုတော့ တာဝန်မဲ့သလိုဖြစ်နေတာတော့ အမှန်ပဲ။ ဒါပေမယ့်လည်း ကျနော်ဘာပဲရေးရေး ပုံမှန်ဖတ်ပေးနေကြတဲ့သူငယ်ချင်းတွေ ရှိတဲ့အတွက်လည်း နည်းနည်းတော့အရှက်ပြေရပါတယ်။

မိန်းကလေးတစ်ယောက်ကိုချစ်မိရင် တဲ့။ စိုင်းစိုင်းခမ်းလှိုင်သီချင်းကို ပြောတာမဟုတ်ပါဘူး။ ကိုယ့်ဟာကို တွေးနေမိတာ။ ကိုယ်ထုတ်တဲ့မေးခွန်း ကိုယ်ပြန်ဖြေတာတောင် အောင်မှတ်မရဘူးဆိုတော့လည်း ခက်တယ်။ ပြီးတော့ အချစ်ကို အယုံအကြည်မရှိဘူးလို့ ကြွေးကြော်နေတဲ့ကောင်ကျမှ သမာရိုးကျတောင်မဟုတ်တဲ့၊ ၀တ္ထုဇာတ်လမ်းထဲက ပလော့(plot ) တစ်ခုလို ဘယ်လိုမှယုံချင်စရာမကောင်းတဲ့ အချစ်မျိုးနဲ့ တည့်တည့်တိုးမိတာကလည်း ရယ်ချင်စရာကောင်းနေ တာပါပဲ။

ကျနော်ချစ်တယ် (လို့ထင်တဲ့ ) မိန်းကလေးနဲ့ ကျနော်အပြင်မှာ တခါမှမကြုံဖူးပါဘူး။ သူ့ဓါတ်ပုံမြင်ဖူးပါတယ်။ သူနဲ့ အွန်လိုင်းပေါ်မှာတွေ့တယ်။ ဖုန်းနဲ့စကားပြောဖြစ်ပါတယ်။ ပိုဆိုးတာက ဖုန်းပြောဖြစ်ကြတာတောင် (မရှက်တမ်းပြောရရင် ) တစ်ပါတ်မပြည့်သေးပါဘူး။ ကံဆိုးချင်တာလား ကံကောင်းချင်တာလားမသိတဲ့ ငမိုက်သားကလည်း သူ့အသံလှိုင်းကိုမှ ချစ်မိသွားပါတယ်တဲ့။ ပထမဆုံးဖုန်းပြောဖြစ်တဲ့ညမှာတင်ပဲ ငှက်ပေါက်စလေးတစ်ကောင်လိုအသံမျိုးပိုင်ဆိုင်တဲ့၊ ကလေးတစ်ယောက် စကားမပီသလို အသံနဲ့စကားပြောတတ်တဲ့၊ တခါတလေ သူစိတ်လိုလက်ရရှိရင် စာကလေးတစ်ကောင်လိုအသံမျိုးနဲ့ Sparrow သီချင်းဆိုပြတတ်တဲ့ အဲဒီကောင်မလေးရဲ့အသံကို စွဲလမ်းသွားခဲ့တာပါပဲ။ ကဲ.. မြင်မြင်ချင်းအချစ်တောင် မယုံပါဘူးဆိုတဲ့ကောင်က အသံပဲကြားရတဲ့မိန်းကလေးကို ချစ်မိပါတယ်ဆိုတဲ့အဖြစ်က တော်ရုံတန်ရုံလွဲတဲ့ ကိစ္စမဟုတ်ပါဘူး။ ကြံကြံဖန်ဖန်ပြောရရင်တော့ အချစ်မှာမျက်စိမရှိဘူးဆိုတဲ့ အဆိုအမိန့်ကိုပြောခဲ့တဲ့သူ ဟာ အချစ်မှာနားရွက်လည်းမရှိပါဘူးလို့ ဖြည့်စွက်ပေးခဲ့သင့်တယ်လို့ ကျနော်ထင်နေမိတာပဲ။

အံ့သြစရာကောင်းတာက အဲဒီညဖုန်းပြောဖြစ်ပြီး နောက်တစ်နေ့မှာလည်း သူနဲ့ဖုန်းပြောချင်နေမိတာ၊ သူ့ကို အချိန်ပြည့်နီးပါး သတိရနေမိတာပါပဲ။ တစ်ရက်ကနေ နှစ်ရက်၊ နှစ်ရက်ကနေ သုံးရက်ဖြစ်လာတဲ့အခါကျတော့ ဆေးပြတ်တဲ့ ဆေးသမားလိုဖြစ်လာတယ်။ ချစ်နေမိလားဆိုတဲ့အမေးက ခဏခဏပေါ်လာသလို ချစ်နေမိတယ်ဆိုတဲ့အဖြေပဲ ထပ်ခါထပ်ခါ ပြန်ထွက်လာတယ်။ ချစ်မိတဲ့အခါ အလိုလိုနေရင်းစိတ်တိုတတ်သလား၊ ထိရှလွယ်သလားမသိဘူး။ တခါတလေ သူက သူ့ရည်းစားဟောင်းအကြောင်း ကျနော့်ကိုလာပြောပြရင် အဲဒါတွေလာမပြောနဲ့ လို့ ဒေါသဖြစ်ပြီး မနာလိုမှုနဲ့ ကျနော် အော်မိတတ်ပါတယ်။ သူကတော့ ရယ်နေတာပါပဲ။ ကျနော်သူ့ကိုနောက်နေတယ်ထင်လို့ ရယ်နေတာပဲဖြစ်နိုင်ပါတယ်။သေချာတဲ့အရာကိုတောင်မှ ဟုတ်ရောဟုတ်ပါ့မလား လို့တွေးပူတတ်တဲ့ မိန်းကလေးတွေရဲ့စိတ်မျိုးနဲ့ဆိုတော့လည်း ကျနော့်စကားဟာ ၂၁ ရာစုနောက်ပိုင်း ကမ္ဘာ့အကောင်းဆုံးပြက်လုံးတစ်ခုလို့တောင် သူထင်နေမှာပါပဲ။

ကျနော်စဉ်းစားကြည့်မိတယ်။ ခုချိန်မှာ သူ့ကိုချစ်ပါတယ်လို့ ကျနော်ပြောလိုက်ရင် သူ့ဘက်ကတုန့်ပြန်မှုက ဘယ်လိုရှိမလဲ။ ဖြစ်နိုင်ခြေများတာကတော့ ခုနကပြောသလို ဟားတိုက်ရယ်မောနေမှာကလွဲလို့ တခြားဘာမှ ဖြစ်နိုင်မယ် မထင်ပါဘူး။ သူ့ဘက်ကတွေးတော့လည်း မှန်နေမှာပါပဲ။ သူ့ကိုတခါမှ အပြင်မှာမမြင်ဖူးတဲ့ ယောင်္ကျားလေးတစ်ယောက်ဆီက ချစ်တယ်ဆိုတဲ့စကားကို ဘယ်လိုယုံကြည်မှုမျိုးနဲ့ သူလက်ခံမှာလဲ။ ပိုဆိုးတာက ကျနော့်လိုအမြဲတမ်း နောက်ပြောင်နေတတ်တဲ့ကောင်ရဲ့စကားဟာ ခုတစ်ခါလည်း နောက်ပြောင်မှုတစ်ခုပဲ ဖြစ်နေလိမ့်မယ်လို့ သူယူဆချင်ယူဆပါ လိမ့်မယ်။ ကျနော်စိုးရိမ်တာကလည်း အဲဒါပါပဲ။ နောက်တစ်ဆင့်တက်ပြီး စဉ်းစားကြည့်တော့လည်း ကျနော်အတည်ပြော နေတယ်ဆိုတာကို သူလက်ခံသွားပြီဆိုပါစို့။ ကျနော့်ကိုစိတ်ဆိုးပြီး အဆက်အသွယ်ဖြတ်ပစ်လိုက်မလားဆိုတာကလည်း ကျနော်ခုထိ တွန့်ဆုတ်တွေဝေနေရတဲ့ အကြောင်းရင်းတစ်ချက်ပါ။ ကျနော်အပေါ်မှာ ပြောခဲ့တာတွေထက် စိုးရိမ်မိတဲ့ အစိုးရိမ်ဆုံးအချက်ကတော့ သူ့ကိုယ်သူအပြစ်တင်သွားမှာကိုပါပဲ။ ကျနော်နဲ့ ညတိုင်းဖုန်းပြောနေမိလို့ ကျနော့်ကိုမျှော်လင့်ချက်တွေများ ပေးနေမိသလား ဆိုပြီး သူ့ကိုယ်သူအပြစ်တင်နေမှာကို ကျနော်အကြောက်ဆုံးပါပဲ။

ဒီအကြောင်းကို ထပ်ပြီးရေးပြနေလည်း ကျနော်တင်မကဘူး။ ဖတ်တဲ့သူတွေပါ စိတ်ရှုပ်သွားနိုင်တဲ့အတွက် ရပ်လိုက်ပါတော့မယ်။ ကျနော့်ဘက်က ခုလောလောဆယ်လုပ်နိုင်တာကတော့ တစ်ခုပဲရှိပါတယ်။ ကျနော်ချစ်တယ်ဆိုတာကို သူယုံလာအောင် ဘယ်လိုလုပ်ရမလဲဆိုတာကို ထိုင်စဉ်းစားနေရုံကလွဲပြီး ဘယ်လိုစကားမျိုးမှမပြောသေးတာ အကောင်းဆုံးဖြစ်ပါလိမ့်မယ်။ မျှော်လင့်ချက်တွေ မိုးလိုရွာမယ့်နေ့ ကိုကျနော် စောင့်ပါမယ်။ သူ့ကို အတတ်နိုင်ဆုံးပျော်အောင် ထားမယ်။ အတတ်နိုင်ဆုံးဂရုစိုက်မယ်။

မျှော်လင့်ချက်တွေ မိုးလိုရွာမယ့်နေ့ ကိုကျနော် မျှော်လင့်နေပါမယ်။

သူ့စိတ်ထဲမှာလည်း ကျနော့်အတွက် နေရာအတော်များများရှိလာပြီဆိုတဲ့ တစ်နေ့…..

ကျနော့်စိတ်မှာလည်း အချိန်တန်ပြီလို့ထင်တဲ့တစ်နေ့…..

ကျနော်ကံကောင်းမယ်ဆိုရင်တော့ ကျနော်စောင့်နေတဲ့ မျှော်လင့်ချက်တွေ……

မိုးလိုပဲ ညင်းညင်းစွေစွေရွာလာပါလိမ့်မယ်။

ထုံးစံအတိုင်းသင်္ကြန်

ထုံးစံအတိုင်း ဧပရယ်လ် ၁၃ မှာ သင်္ကြန်ကျတယ်။ ထုံးစံအတိုင်း ကောင်လေးက ကားနဲ့သင်္ကြန်ထွက်လည်တယ်။ ကောင်မလေးက ထုံးစံအတိုင်း မဏ္ဍပ်ထိုင်တယ်။ ထုံးစံအတိုင်း ကောင်လေးလည်တဲ့ကားက ကောင်မလေးရဲ့မဏ္ဍပ်ရှေ့ကို ရောက်လာတယ်။ ထုံးစံအတိုင်း ကောင်မလေးက ရေပက်တယ်။ ကောင်လေးက ထုံးစံအတိုင်း ကောင်မလေးကို စိတ်ဝင်စားသွားတယ်။ ကောင်လေးက ထုံးစံအတိုင်း ကောင်မလေးကိုရေသွားလောင်းတယ်။ ကောင်မလေးကလည်း ထုံးစံအတိုင်း ကောင်လေးရေလောင်းတာကို ငြိမ်ပြီးခံတယ်။ ကောင်လေးကလည်း ထုံးစံအတိုင်း အဲဒီမဏ္ဍပ်နားက မခွာတော့ဘူး။ ထုံးစံအတိုင်း ကောင်မလေးကလည်း ကောင်လေးကို ခိုးခိုးကြည့်တယ်။ ထုံးစံအတိုင်း ကောင်လေးရဲ့ရောဂါက ပိုဆိုးသွားတယ်။ သင်္ကြန်တွင်းလေးရက်လုံး ထုံးစံအတိုင်း ကောင်မလေးရဲ့မဏ္ဍပ်မှာပဲ တ၀ဲလည်လည်လုပ်နေတယ်။ ကောင်မလေးကလည်း ထုံးစံအတိုင်း သတိထားမိတယ်။ ကောင်လေးကလည်း ထုံးစံအတိုင်း မချင့်မရဲဖြစ်လာတယ်။ အဲဒီတော့ ထုံးစံအတိုင်း ကောင်မလေးဆီသွားပြီး မိတ်ဆက်တယ်။ ကောင်မလေးကလည်း ထုံးစံအတိုင်း ကောင်လေးကို အသိအမှတ်ပြုတဲ့ပုံစံပြတယ်။ ကောင်လေးကလည်း အားတက်သွားပြီး ကောင်မလေးကို ထုံးစံအတိုင်း နာမည်တွေမေး ဖုန်းနံပါတ်တွေတောင်းတယ်။ ကောင်မလေးကလည်း ထုံးစံအတိုင်း နာမည်အမှားတွေ ဖုန်းနံပါတ်အမှားတွေပေိးလိုက်တယ်။ ကောင်လေးကလည်း ထုံးစံအတိုင်း အမှားတွေချည်းပဲပေးလိုက်မှန်းသိတယ်။ ဒါပေမယ့် ထုံးစံအတိုင်း မသိချင်ယောင်ဆောင် နေလိုက်တယ်။ ထုံးစံအတိုင်းပဲ လေးရက်ပြည့်တော့ သင်္ကြန်ပြီးသွားတယ်။

ကောင်လေးက ထုံးစံအတိုင်း ကောင်မလေးကိုသတိရနေတယ်။ အဲဒီတော့ ထုံးစံအတိုင်းလိုက်ရှာတယ်။ ထုံးစံအတိုင်းပဲမတွေ့ဘူး။ ဒါပေမယ့် လုံးဝမတွေ့တော့ရင် ဘာမှဆက်ရေးလို့မရတော့တဲ့အတွက် ထုံးစံအတိုင်း မထင်မှတ်ပဲ ပြန်တွေ့ပေးလိုက်ရတယ်။ တနေ့တော့ ကောင်လေးအလုပ်လုပ်နေတဲ့ အင်တာနက်ဆိုင်ကို ထုံးစံအတိုင်းကောင်မလေးက လာထိုင်တယ်။ ထုံးစံအတိုင်းပဲ ကောင်လေးအရမ်းပျော်သွားတယ်။ ကောင်မလေးကလည်း ထုံးစံအတိုင်း အံ့သြသွားတယ်။ ကောင်မလေးက ထုံးစံအတိုင်းပဲ မသိချင်ယောင်ဆောင်နေတယ်။ ကောင်လေးကလည်း ထုံးစံအတိုင်းပဲ သွားပြီး နှုတ်မဆက်ရဲဘူး။ အဲဒီတော့ ကောင်လေးက ထုံးစံအတိုင်း ကောင်မလေးထိုင်တဲ့စက်နားမှာပဲ ယောင်ပေပေလုပ်နေတယ်။ ကောင်မလေးကလည်း ထုံးစံအတိုင်း ကောင်လေးကို စကားပြောချင်လာတယ်။ ခုနက မသိချင်ယောင်ဆောင်ထားရတော့ ထုံးစံအတိုင်း သူကစပြီးခေါ်လို့မရဘူး။ အဲဒီတော့ ထုံးစံအတိုင်း GTalk Account တစ်ခုဖွင့်ပေးဖို့ကောင်လေးကို ပြောတယ်။ ကောင်လေးကလည်း ထုံးစံအတိုင်း အားရ၀မ်းသာဖွင့်ပေးလိုက်တယ်။ အဲဒီ Account က သူ့အတွက်ပဲဖွင့်တယ်ဆိုတာ ထုံးစံအတိုင်းကောင်လေးက သိလိုက်တယ်။ ထုံးစံအတိုင်းပဲ ကောင်မလေးရဲ့ Account ကို ချက်ခြင်း Invite လုပ်လိုက်တယ်။ ထုံးစံအတိုင်း ကောင်မလေးရဲ့ Account သစ်လေးမှာ Invite Message တစ်ခုချက်ခြင်းရောက်လာတယ်။ ထုံးစံအတိုင်း ကောင်မလေးက ကောင်လေးလက်ချက်မှန်းသိလိုက်တယ်။ ထုံးစံအတိုင်းပဲ တစ်ချက်ပြုံးပြီးတော့ Accept ပြန်လုပ်လိုက်တယ်။ အဲဒီနောက်ပိုင်းမှာ ကောင်လေးနဲ့ ကောင်မလေးနဲ့ ထုံးစံအတိုင်းပဲ GTalk ထဲကနေစကားတွေ အများကြီး ပြောဖြစ်လာကြတယ်။ ထုံးစံအတိုင်း အပြန်အလှန် Mail တွေပို့ကြတယ်။ ထုံးစံအတိုင်းတစ်နေ့မှာ ကောင်လေးက ကောင်မလေးကို ချစ်တယ်လို့ ဖွင့်ပြောလိုက်တယ်။ ကောင်မလေးကလည်း ထုံးစံအတိုင်း စဉ်းစားမယ်လို့ပြောတယ်။ နှစ်ပတ်လောက်ကြာတော့ ထုံးစံအတိုင်း ကောင်မလေးက ကောင်လေးကို အဖြေပေးလိုက်တယ်။

ရည်းစားစဖြစ်တဲ့ အထိမ်းအမှတ်နဲ့ အဲဒီနေ့မှာ ထုံးစံအတိုင်း ကောင်လေးနဲ့ကောင်မလေး ကန်ဘောင်မှာ သွားထိုင်ကြတယ်။ ထုံးစံအတိုင်း ဘူးသီးကြော်မှာစားကြတယ်။ ထုံးစံအတိုင်းပဲ သိပ်မစားဖြစ်ကြဘူး။ ကန်ဘောင်မှာ ထုံးစံအတိုင်း ထီးလေးကွယ်ပြီးထိုင်ဖြစ်ကြတယ်။ ညနေစောင်းတော့ ထုံးစံအတိုင်း မပြန်ချင်ပြန်ချင်နဲ့ နှစ်ယောက်လုံးထပြန်လာခဲ့ကြတယ်။ ကောင်လေးက ထုံးစံအတိုင်း ကောင်မလေးကို လမ်းထိပ်အထိလိုက်ပို့တယ်။ ထုံးစံအတိုင်း တစ်ယောက်ကိုတစ်ယောက် မခွဲနိုင်မခွာရက်ကြည့်တယ်။ ကောင်မလေးကထုံးစံအတိုင်း လှည့်ကြည့်လှည့်ကြည့်နဲ့ ပြန်သွားရှာတယ်။ ကောင်လေးကလည်း ကောင်မလေးနောက်ကျောကို ထုံးစံအတိုင်း ရပ်ကြည့်နေတယ်။ ထုံးစံအတိုင်း ကောင်မလေးတောင် အိမ်ပြန်မရောက်သေးဘူး ကောင်လေးကဖုန်းဆက်နှင့်ပြီးပြီ။ အဲလိုနေရင်းနဲ့ပဲ ထုံးစံအတိုင်းသင်္ကြန်ရောက်မယ့် ရက်တွေနီးလာပြန်တယ်။ ထုံးစံအတိုင်း ကောင်လေးနဲ့ကောင်မလေး သင်္ကြန်အတူလည်ဖို့ စီစဉ်ကြတယ်။
ထုံးစံအတိုင်း သင်္ကြန်အကြိုနေ့ကိုရောက်လာတယ်။ ကောင်လေးနဲ့ကောင်မလေး ထွက်လည်ကြတယ်။ အကြိုနေ့ဆိုတော့ ထုံးစံအတိုင်း သိပ်မစည်ဘူး။ ဒါပေမယ့် ထုံးစံအတိုင်း ကောင်လေးရော ကောင်မလေးရော ပျော်နေကြတယ်။ အကျနေ့လည်း ထုံးစံအတိုင်းထွက်လည်ကြတယ်။ ထုံးစံအတိုင်း ကောင်လေးနဲ့ ကောင်မလေး အရမ်းပျော်ကြပြန်တယ်။ စည်ကားတဲ့မဏ္ဌပ်တွေကိုလည်း ထုံးစံအတိုင်းရောက်တယ်။ ညနေအထိ လည်ကြပြီးတော့ ထုံးစံအတိုင်း အကြိုနေ့ကုန်သွားပြန်တယ်။ အကြတ်နေ့ကို ထုံးစံအတိုင်းရောက်လာပြန်တယ်။ ရန်ကုန်တစ်မြို့လုံးကလည်း ထုံးစံအတိုင်း အရင်နေ့တွေထက်ပိုစည်ကားလာတယ်။ သင်္ကြန်လည်နေကျ ထုံးစံအတိုင်း အဲဒီနေ့မှာ တက္ကသိုလ်ရိပ်သာလမ်းကို ၀င်တိုးမိကြတယ်။ ထုံးစံအတိုင်း အဲဒီလမ်းထဲမှာတင် နေ့တစ်ဝက်ကျိုးသွားတယ်။ ထုံးစံအတိုင်း ရေစိုလိုက် ၊ နေပူရင်ခြောက်သွားလိုက်နဲ့ အဲဒီထဲမှာပဲ သောင်တင်နေကြတယ်။ မနက်ကရေတွေစိုပြီး နေ့လည်ကျတော့ နေပူပူကြောင့် ခြောက်သွေ့လာတဲ့အချိန်မှာ ထုံးစံအတိုင်း ကောင်လေးခေါင်းတွေတရိပ်ရိပ်မူးလာတယ်။ ဒါပေမယ့် ထုံးစံအတိုင်း ဂရုမစိုက်မိဘူး။ ညနေကျတော့ ထုံးစံအတိုင်းရေတွေစိုပြန်တယ်။ ကောင်လေးနဲ့ကောင်မလေး လည်တဲ့ကားလည်း ထုံးစံအတိုင်း ခြောက်နာရီမထိုးခင်မှုာ မဏ္ဌပ်တွေရှေ့ကိုရောက်အောင်တိုးလာနိုင်ခဲ့တယ်။ ထုံးစံအတိုင်း ရေပက်ခံပြီး ထုံးစံအတိုင်း ကကြတယ်။ ကောင်လေးကတော့ ကောင်မလေးကို ထုံးစံအတိုင်း သူ့ရင်ခွင်ထဲထားပြီး မအီမသာနဲ့ ငြိမ်နေတယ်။ ရေစက်ရေပေါက်တွေ… လူသံ.. ကားသံတွေကြားမှာ ထုံးစံအတိုင်းပဲ ကောင်မလေးက ကောင်လေး အဖျားတက်စပြုနေတာကို မသိရှာဘူး။ ကောင်လေးကလည်း ထုံးစံအတိုင်း ကောင်မလေးစိတ်ပူမှာစိုးလို့ မပြောပြဘူး။ အဲဒီလိုနဲ့ပဲ ထုံးစံအတိုင်း အကြတ်နေ့ပြီးသွားပြန်တယ်။ ထုံးစံအတိုင်း ကောင်လေးဟာ ညဘက်မှာ အဖျားတွေသိပ်တက်လာတယ်။ ထုံးစံအတိုင်းပဲ ဂရုစိုက်မယ့်သူမရှိဘူး။ ပေကပ်ကပ်ကောင်လေးကလည်း ထုံးစံအတိုင်း ဆရာဝန်မပြဘူး။ အိမ်မှာရှိတဲ့ ပါရာစီတမောလ်ကိုပဲ ထုံးစံအတိုင်းသောက်ထားလိုက်တယ်။



ထုံးစံအတိုင်း သင်္ကြန်အတက်နေ့မနက်ရောက်လာပြန်တယ်။ ကောင်လေးညက အိပ်လိုက်တော့ ထုံးစံအတိုင်း အဖျားနည်းနည်းကျသွားတယ်။ ထုံးစံအတိုင်း သင်္ကြန်အတက်နေ့ကို နွှဲဖို့ထွက်လာခဲ့တယ်။ ထုံးစံအတိုင်း ကောင်မလေးနဲ့လည် ဖို့ပဲပေါ့။ သင်္ကြန်နောက်ဆုံးနေ့ဟာ ထုံးစံအတိုင်း တခြားနေ့တွေထက် စည်ကားသက်ဝင်နေတယ်။ ရေပက်ခံနေရင်းကနေပဲ ထုံးစံအတိုင်း ခဏငုပ်နေတဲ့အဖျားက ပြန်တက်လာတယ်။ ကောင်လေးကတော့ ထုံးစံအတိုင်းကောင်မလေးကို မပြောပြဘူး။ သိပ်ချစ်တဲ့ကောင်မလေးကို ထုံးစံအတိုင်းတချိန်လုံးရင်ခွင်ထဲမှာ ထားတယ်။ နေ့လည်ကျတော့ ကန်တော်ကြီးထဲမှာ ထုံးစံအတိုင်း နားကြတယ်။ ထုံးစံအတိုင်းပဲ နေ့လည် ၁ နာရီလောက်မှာ ရေပက်ခံဖို့ ပြန်ထွက်လာကြတယ်။ သူတို့လည်ကြတဲ့ ကားလေးက ထုံးစံအတိုင်း မဏ္ဌပ်တွေစီတန်းနေရင် ဖြည်းဖြည်းချင်းလှိမ့်တယ်။ ရှေ့ကားနဲ့နောက်ကား ထုံးစံအတိုင်း စကြနောက်ကြတယ်။ ထုံးစံအတိုင်း ရေတွေလည်းရွှဲစိုနေတာပဲ။ ကောင်လေး ထုံးစံအတိုင်း နှုတ်ခမ်းတွေပြာလာတယ်။ တုန်ယင်လာတယ်။ သူတို့ကားလေးက ထုံးစံအတိုင်း မဏ္ဌာပ်ရှင်းတဲ့နေရာရောက်ရင် အရှိန်နဲ့မောင်းတယ်။ ကောင်လေးက ထုံးစံအတိုင်း လေစိမ်းတွေကြားမှာ ခန္ဓာကိုယ်ကပါ စိမ့်ပြီးအေးလာတယ်။ ထုံးစံအတိုင်း ကိုယ်တွေလက်တွေပါ ကျဉ်လာတယ်။ ကောင်မလေးကိုတော့ ထုံးစံအတိုင်းလုံးဝမပြောဘူး။ သင်္ကြန်နောက်ဆုံးနေ့ဟာ ထုံးစံအတိုင်းပဲ ခြောက်နာရီကျော်တဲ့အထိ ရေပက်တာမရပ်ကြသေးဘူး။ သူတို့ကားလေးကတော့ ထုံးစံအတိုင်း ခြောက်နာရီခွဲကျော်ကျော်လောက်မှာ အိမ်ပြန်လမ်းပေါ်ကို ဦးတည်မောင်းလာတယ်။ ကောင်လေးက ထုံးစံအတိုင်းကောင်မလေးကို ပြန်ပို့ဖို့စီစဉ်တယ်။ ထုံးစံအတိုင်း ဝေဒနာကို ကြိတ်မှိတ်ခံရင်းနဲ့ပေါ့။ အဲဒီအချိန်မှာ ကောင်မလေးစိတ်ထဲမှာ ဆန်းဆန်းကြယ်ကြယ်ဖြစ်လာတယ်။ ထုံးစံအတိုင်း ကောင်လေးမျက်နှာကို ချစ်ချစ်မက်မက်ကြည့်မိတယ်။ ပြီးတော့ ထုံးစံအတိုင်း အိမ်မပြန်ချင်သေးတဲ့စိတ်တွေ ပေါ်လာတယ်။ အဲဒါနဲ့ ထုံးစံအတိုင်းကောင်လေးကို ကော်ဖီဆိုင်သွားကြရအောင်လို့ ပြောတယ်။ ထုံးစံအတိုင်းပဲ ထိုင်နေကျကော်ဖီဆိုင်လေးကိုရောက်သွားတယ်။ ကော်ဖီဆိုင်လေးထဲမှာလည်း ထုံးစံအတိုင်းသင်္ကြန်သီချင်းလေးတွေကို နှုတ်ဆက်တဲ့အနေနဲ့ဖွင့်နေတယ်။ သင်္ကြန်ကိုချစ်တဲ့ ကောင်လေးနဲ့ကောင်မလေးလည်း ထုံးစံအတိုင်း ကြည်ကြည်နူးနူးလေး နားထောင်ရင်း တစ်ယောက်လက်ကို တစ်ယောက် ဆုပ်ကိုင်ထားကြတယ်။ ကော်ဖီဆိုင်လေးကလည်း ထုံးစံအတိုင်း မီးမှိန်ဖျော့ဖျော့လေးပဲ ထွန်းထားပြီး စိတ်လှုပ်ရှားစရာဖြစ်အောင် ဆွဲဆောင်ထားတယ်။ တစ်ယောက်ကိုတစ်ယောက် ထူးထူးခြားခြားစကားမပြောမိကြပဲ ငြိမ်သက်နေမိတယ်။ အချစ်ရဲ့အရိပ်အငွေ့အောက်မှာ ထုံးစံအတိုင်း ကောင်လေးက သူ့ဖျားနာမှုကို လျစ်လျူရှုထားလိုက်တယ်။ ညရှစ်နာရီကျော်ကျော်လောက်မှာ ထုံးစံအတိုင်းပြန်လာခဲ့ကြတယ်။ ကောင်မလေးလမ်းထိပ်အထိ ထုံးစံအတိုင်း ကောင်လေးကလိုက်ပို့တယ်။ လမ်းထိပ်ရောက်တော့ ကောင်လေးက ထုံးစံအတိုင်း ကောင်မလေးနဖူးကို ဖွဖွလေးနမ်းတယ်။ ပြီးတော့ ထုံးစံအတိုင်း လက်ပြပြီးနှုတ်ဆက်ပြီးလက်ပြတယ်။ ကောင်မလေးလည်း ထုံးစံအတိုင်းပြန်ပြီးလက်ပြလိုက်ပေမယ့် စိတ်ထဲမှာ တမျိုးဖြစ်နေတယ်။ လှည့်ပြန်သွားတဲ့ကောင်လေးရဲ့ ကျောပြင်ကို မျက်စိတစ်ဆုံးလိုက်ငေးနေမိတယ်။ ပြီးတော့မှ စိတ်လေးလေးနဲ့ အိမ်ကိုထုံးစံအတိုင်းပြန်သွားရှာတယ်။ အိမ်မှာတစ်ယောက်တည်းနေတဲ့ကောင်လေးက ထုံးစံအတိုင်း အိမ်ကိုပြန်ရောက်လာတယ်။ အ၀တ်အစားလဲပြီး ကော်ဖီပူပူတစ်ခွက်ကို ထုံးစံအတိုင်းဖျော်လိုက်တယ်။ အဲဒီအချိန်မှာပဲ အဖျားတွေတက်လာတော့တယ်။ အရမ်းကို နာကျင်လေးလံနေတယ်။ ခေါင်းတွေလည်း တရိပ်ရိပ်မူးဝေလာတယ်။ အိမ်ခန်းထဲမှာ ထုံးစံအတိုင်းလှဲပြီး မှိန်းနေဖို့စိတ်ကူးလိုက်တယ်။ စောင်ခြုံပြီး ခေါင်းအုံးပေါ်ခေါင်းချလိုက်တဲ့ အချိန်မှာပဲ ကောင်လေးရဲ့ အသိစိတ်တွေ လုံးဝမှောင်မည်းသွားတော့တယ်။

မနက်ကျတော့ ကောင်မလေးက ထုံးစံအတိုင်း ကောင်လေးဆီကို ဖုန်းဆက်တယ်။ ကောင်လေးရဲ့ အခန်းထဲမှာ ထုံးစံအတိုင်း ဖုန်းခေါ်သံကအော်မြည်နေတယ်။ တစ်ယောက်တည်းနေတဲ့ ကောင်လေးအတွက် ထုံးစံအတိုင်း သူ့ဆီလာတဲ့ဖုန်းသံကို သူကလွဲပြီးဘယ်သူမှ မကြားနိုင်ခဲ့ဘူး။ သတိပြန်လည်မလာတော့တဲ့ ကောင်လေးရဲ့အခန်းထဲမှာတော့ ခြောက်ခြောက်ခြားခြားဖုန်းသံက တနေ့လုံးလိုလိုအော်မြည်နေရှာတယ်။ ထုံးစံအတိုင်း ကောင်မလေးရဲ့ ဖုန်းခေါ်သံကလွဲပြီး တခြားဘာမှ မဖြစ်နိုင်ပါဘူး။

…………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………………….. အဲဒီလိုနဲ့ပဲ အချိန်တွေထုံးစံအတိုင်းတဖြည်းဖြည်းကုန်လွန်လာပြန်တယ်။ တဖြည်းဖြည်းလောင်မြိုက်ဝါထိန်တဲ့ နေရဲ့အပူကိုတုပမယ့် ပိတောက်ပန်းထိန်ထိန်ဝါ၀ါတွေလည်း ထုံးစံအတိုင်း လင်းလင်းစွေပွင့်လာကြတယ်။ နေရာအနှံ့မှာ သင်္ကြန်သီချင်းတွေ ထုံးစံအတိုင်း မြူးမြူးသွင်သွင် လွင့်ပျံလာတယ်။ အဲဒီသီချင်းတွေကို နားထောင်ရင်း ညိုမှိုင်းကြေကွဲနေတဲ့ကောင်မလေးကတော့ ထုံးစံအတိုင်း ကောင်လေးကို ပြင်းပြင်းရှရှသတိရနေဆဲပဲ။ အဲဒီသင်္ကြန်သီချင်းတွေထဲကနေ ကောင်လေးနဲ့သူတို့ရဲ့ နေ့ရက်တွေတိုင်းကို ထုံးစံအတိုင်း သတိရနေခဲ့တယ်။ ထုံးစံအတိုင်း ကောင်မလေးမျက်ရည်တွေ ကျလာပြန်တယ်။ ချစ်သူနဲ့ပတ်သက်တဲ့ မျက်ရည်စက်တွေက ထုံးစံအတိုင်းမကုန်ခမ်းနိုင်ခဲ့ပါဘူး။ ပြတင်းပေါက်ကနေ လှမ်းကြည့်တော့ ထုံးစံအတိုင်း ပင်အိုရွက်ကြွေတွေပေါ်မှာ ဥသြလေးတစ်ကောင်က ဆွေးဆွေးနင့်နင့် အော်မြည်နေတယ်။ ထုံးစံအတိုင်းပဲ သင်္ကြန်သီချင်းတွေကတော့ လွင့်ပျံနေတယ်……….

ထုံးစံအတိုင်း………. အကြိုနေ့

ထုံးစံအတိုင်း……….အကျနေ့

ထုံးစံအတိုင်း……….အကြတ်နေ့

ထုံးစံအတိုင်း………..အတက်နေ့………………………. …………………….

ထုံးစံအတိုင်းရာသီစက်ဝိုင်းရဲ့လည်ပတ်မှုကြားမှာ သင်္ကြန်ပွဲရက်တွေလည်း ထုံးစံအတိုင်း ပေါ်လာလိုက်ပျောက်သွားလိုက်။ အဲဒီသင်္ကြန်ရက်တွေထဲက မထုးဆန်းပေမယ့် ကြေကွဲစရာကောင်းတဲ့ ကောင်လေးတစ်ယောက်နဲ့ ကောင်မလေးတစ်ယောက်ရဲ့ အချစ်ဇာတ်လမ်းဟာလည်း ထုံးစံအတိုင်းလူမသိ သူမသိ နစ်မြုပ်သွားခဲ့ပါပြီ။ ထုံးစံအတိုင်းသင်္ကြန်ကတော့ ထုံးစံအတိုင်းလည်ပတ်နေဆဲပါပဲ…………

ဦးလေးနဲ့သူ့တူနှစ်ကောင်

သူရဿဝါအမေ မနေ့ကပဲ ရှမ်းပြည်တက်သွားတယ်။ အဖေ့ဆီလိုက်သွားတာပေါ့။ အဖေက ရှမ်းပြည်မှာ မြောင်းကူးတံတား..အဲ..အဲ.. မြစ်ကူးတံတားကြီးဆောက်ဖို့သွားတာလေ။ ခုလောလောဆယ်တော့ တံတားက အဖေ့ကိုပြန်ဆောက်နေလေရဲ့။ အမေကလည်း အဲဒါတွေစိတ်မချလို့ လိုက်သွားတာ။ အမေက သွားခါနီး အိမ်ကိုပြောင်းပြန် လှန်ပစ်မယ့် သူ့သားအလိမ္မာလေးနှစ်ကောင်အကြောင်းသိတော့ သူ့မောင် ( အဆိုတော် စာရေးဆရာ သရုပ်ဆောင် ဦးသုမောင် မဟုတ်ပါ) သူရဿဝါရဲ့ ဦးလေးကို အိမ်မှာစောင့်ပြီးနေပေးဖို့ မှာခဲ့တယ်။ ဒါနဲ့ ဦးလေးလည်း ခေါင်းကုတ်ဖင်ကုတ်၊ ငြီးငြီးငြူငြူနဲ့ အိမ်မှာနေရရှာတယ်။ သူ့တူနှစ်ကောင်အကြောင်းကို သူကသိတာကိုး။ တဆိတ်ရှိရင် ရက်ပ်စာသားတွေ ရွှတ်ရွှတ်ရွှတ်ရွှတ် ရွတ်နေတတ်တဲ့ အငယ်ကောင်ကိုကြောက်သလို၊ ငြိမ်ငြိမ်လေးနေပြီး လုပ်ချင်တာလုပ်တဲ့ အေးပွေးအကြီး ကောင်ကိုလည်း ကြောက်ရှာတယ်လေ။



`သေပါသေသွားမယ် နားပါကားသွားမယ် လည်ပင်းပါအစ်သွားမယ်´ ဆိုပြီး အလန့်တကြားထအော်တတ်တဲ့ အငယ်ကောင်ကို အကောက်တောင်က မျောက်မောင် လို့ခေါ်သလို၊ သမာဓိရှိရှိပွေးတဲ့ သူရဿဝါကိုကျတော့ ကလပ်ဇစ်မောင်ပွေးတဲ့။ ကြောက်ကြောက်နဲ့ပေးထားတဲ့ နာမည်တွေလေ။ အမြဲတမ်းမနိုင်တဲ့ တူနှစ်ကောင်ကို ဒီတစ်ခါတော့ နိုင်အောင်ကိုင်မယ်ကွ ဆိုပြီးသူလည်း မာန်တင်းထားပုံရပါတယ်။ မနေ့ညက သူရဿဝါကိုခေါ်တယ်။ ပြီးတော့ သူ့ရှေ့မှာ ထိုင်ခိုင်းတယ်။ ဒါလောက်ဆို သူရဿဝါသဘောပေါက်ပြီ။ လက်ချာရိုက်တော့မယ်ဆိုတာ။



`သား ခဏထိုင်ဦး´



`ဟုတ်´



`မင်းအမေကတော့ မင်းတို့နှစ်ကောင်ကို ငါနဲ့အပ်သွားပြီ မင်းအမေပြန်မလာမချင်း ငါ့စည်းကမ်းအတိုင်းနေဖို့ကြိုးစား´



`ဟား ဟား ဟား ဟား နားစမ်းပါကွာ… မင်းဖြဲခြောက်တာလောက်ကိုများ ငါကကြောက်မယ်ထင်လား ဘွတ်ဘွတ်တောင် မပါချင်ဘူး ဟား ဟား´



`ဘာကွ´



သူပြောမယ်ပဲပြင်ရသေးတယ်။ ထဖောက်တဲ့ သူရဿဝါကိုကြည့်ပြီးတော့ ပထမကြောင်သွားတယ်။ နောက်ထပ် ဘာကွ သွားတယ်။ အဟီး မျက်နှာချိုပြန်သွေးထားဦးမှ။



`အော်.. ဟီး စာရေးဖို့ဇာတ်လမ်းကိုစဉ်းစားမိပြီး ဈာန်ဝင်သွားတာ ဦးစိုးရဲ့ .. ချောတီး ချောတီးနော်´



`အော်…. ငါပြောတာကိုနားမထောင်ပဲ စိတ်ကူးနယ်ချဲ့နေတယ်ဟုတ်စ… မင်းတော့ကွာ…ငါပြောတာဘာတွေလဲ ပြန်ပြောစမ်း´



`အာ.. ဦးစိုးကလည်း ဒီလောက်တော့မှတ်မိပါတယ်ဂျ.. ဒီလိုလေ… မင်းတို့နှစ်ကောင်ကတော့ မင်းအမေကိုငါနဲ့အပ်သွားပြီ ငါ့စည်းကမ်းပြန်မလာမချင်း မင်းအမေအတိုင်းနေဖို့ကြိုးစား.. ဟား ဟား ဂလောက်တော့အပျော့ပါကွယ်..´



သူရဿဝါကို စိတ်ပျက်သွားဟန်နဲ့ ကြည့်တယ်။ ပြီးတော့ စိတ်လျှော့လိုက်တဲ့ပုံနဲ့ပဲ ဆက်ပြောတယ်။



`မင်းအမေမရှိတဲ့ ကာလအတွင်းမှာ မင်းတို့ရဲ့ စားရေးသောက်ရေးကအစ ငါတာဝန်ယူတယ်… ငါ့ဘက်ကတာဝန်အပြည့် ကျေနေစေရမယ်.. မနက်မိုးလင်းတာနဲ့ မနက်စာစားပွဲအသင့်ပြင်ပေးထားမယ်.. နေ့လည်စာ ညစာ ဘာမှလိုလေသေးမရှိစေရ ဘူး အပြင်ထွက်မယ်ဆိုရင် မုန့်ဖိုးပေးမယ်…. ရှင်းရှင်းပြောရရင် ငါမကျေနပ်လို့ အိမ်ပေါ်ကဆင်းဆိုရင်တောင် မင်းတို့ဆင်းသွား ရမယ်´



`ဟိ.. တကယ်လား´



`ဟေ့ကောင် မင်းကတော့ နာတော့မယ်နော်´



`ဟုတ်ဘူးလေ ဦးစိုးကလည်း မုန့်ဖိုးပေးမယ်ဆိုတာ တကယ်လားလို့မေးတာအဟိ´



`အေး ပေးမယ် မင်းဘက်ကလည်း အလုပ်ကပြန်လာရင် အိမ်ကိုအရင်ဝင် ပြီးမှအပြင်ပြန်ထွက်မယ်ဆို ထွက်လို့ရတယ် ဟုတ်ပလား´



`ဟုတ်´



`ပြီးတော့ အိမ်မှာထမင်းစားရင်လည်း ကိုယ့်ပန်းကန်နဲ့ကိုယ် သတ်သတ်မှတ်မှတ်ထား စားပြီးတာနဲ့ ကိုယ့်ပုဂံကိုယ်ဆေး.. ငါကတော့ လိုက်ဆေးပေးမယ်မထင်နဲ့ အဲဒီကျရင်ဘာဖြစ်မယ်ထင်လဲ´



`အာ… ဦးစိုးဆေးရင် သားငရဲကြီးမှာပေါ့ မဆေးနဲ့ မဆေးနဲ့ … သူ့ဟာသူလေသလပ်ပြီး ခြောက်သွားလိမ့်မယ်´



`ဘာ……´



သူ့ဟာသူ စကားမပြောခင်တုန်းက တင်ထားတဲ့ မာန်လေးတွေလည်း တဖြည်းဖြည်းလျှော့သွားလားမသိပါဘူး။ ဦးလေးပုံစံကြည့်ရတာ နောက်ထပ်ပြောရမှာတောင် ကြောက်နေသလိုပဲ။ သူရဿဝါပဲဆက်ပြောလိုက်တယ်။



`ဦးစိုးပြောတာက သားကိုစားရေးသောက်ရေးတာဝန်ယူတယ်….မုန့်ဖိုးလည်းပေးမယ်…. ဟုတ်လား´



`အေး ဟုတ်တယ်´



`ဟာ…အဲဒါတော့ မမိုက်ပါဘူးကွာ….



`ဟေ.. အန်… မင်း.. .မင်းနော်´



`ဟီး ဟုတ်ဘူးလေ မမိုက်ဘူးဆိုတာက ဒီလို … ဦးစိုးတစ်ယောက်လုံးရှိနေမှတော့ အမေကပြန်လာစရာမလိုတော့ဘူးလေ… ပြန်မလာခိုင်းနဲ့တော့ ဦးစိုးနဲ့ပဲတစ်သက်လုံးနေတော့မယ်လေ… နော်..နော်.လို့´



`အာ….ဟေ့ကောင်. အဲလိုတော့မရဘူးလေကွာ…. မင်းအမေပြန်လာရင်တော့ ကိုယ့်အမေနဲ့ကိုယ်နေပေါ့ကွ..´



´ဟင့်အင်း မရ၀ူးဆို မရဘူးပဲ.. ဦးစိုးနဲ့ပဲနေချင်တာ……. ဟီးဟီး…. မကြောက်ပါနဲ့ဦးစိုးရယ် အလကားစတာပါ….´



`တော်ပြီ တော်ပြီ ငါပြောစရာရှိတာပြီးပြီ ရပြီသွားတော့…… ´



ကြောက်ကြောက်လန့်လန့်နဲ့ပဲ သူကျနော့်ကိုနှင်ထုတ်ရှာပါတယ်။ စည်းကမ်းတွေချပေးပြီး သေသေ၀ပ်ဝပ်ထားလိုက်မဟဲ့ ဆိုတဲ့သူစိတ်ကူးတွေလည်း တစစီဖြစ်သွားပုံရပါတယ်။ ဒါတောင် သူရဿဝါအပြင်ထွက်ခါနီးကို တစ်ခွန်းမှာရှာပါသေးတယ်။ ခဏနေထမင်းစားမယ်လေ တဲ့။ ချက်ခြင်းပြန်လာမယ်မဟုတ်လား တဲ့။



အဟဲ… ဟုတ်ကဲ့ လို့ပြောပြီး ခဏထွက်လာလိုက်တာ စမ်းချောင်းရောက်နေတာတောင် နှစ်ရက်ရှိပြီ။ မနက်ဖြန်အိမ်ပြန်ရောက်ရင်တော့ သူရဿဝါနဲ့ ဦးလေးနဲ့ ဆွဲလားလွဲလားတွေဖြစ်ဦးမှာ သေချာတယ်။ ဦးလေးက နင်တို့နဲ့ မနေတော့ဘူး အိမ်ပေါ်ကဆင်းမယ်ဆိုပြီး ပြောရင် သူရဿဝါက မဆင်းဖို့တားရမယ်။ အဲဒီမှာ ဆွဲလားလွဲလားဖြစ်မှာလေ။ ဟီဟိ အိမ်ပြန်မလို့စိတ်ကူးတုန်းပဲ ရှိသေးတယ်။ ရှေ့မှာသူငယ်ချင်းတွေလာခေါ်နေပြီ။ အင်း အိမ်က ဘယ်အချိန်ုပြန်ပြန်ရပါတယ်လလေ။ ဒီကောင်တွေနဲ့ပဲ လိုက်သွားလိုက်ဦးမယ် အဟီး။ အားလုံး တာ့တာနော်။

posted by သူရဿဝါ @ 05:45 AM 12 Comments

မှောင်မိုက်နာကျင်ခဲ့သောလမ်းများ

ရထားပေါ်မတက်ခင်ဘေးမှာလွယ်ထားသော စလင်းဘက်ထဲမှ မိတ်ကပ်ဘူးအသေးလေးကို ထုတ်လိုက်သည်။ တို့ဖတ်နဲ့ တစ်ချက်အထူအပါးပြန်ညှိ..... ပြီးတော့ နှုတ်ခမ်းနီကိုနည်းနည်းအရောင်ထပ်တင်လိုက်၏။ ဘေးပတ်ဝန်းကျင်ရှိလူများ သူ့အပေါ်တွင်သာ အာရုံရောက်နေကြမှာ သေချာပါသည်။ ပြီးတော့ သူ့ကိုရယ်ဟဟ နှင့်ကြည့်နေကြလိမ့်မည်။ ရထားပေါ် တက်လိုက်သည်။ ကိုယ်နေဟန်ထားက အစ မျက်နှာအမူအယာကိုပါ ပြင်ဆင်ပြုပြင်လိုက်သည်။

`ကဲ..... တို့များလာပြီနော်.... ကိုကိုတို့ချစ်တဲ့တို့များ... မမတို့ခင်တဲ့ တို့များ...... ခါတိုင်းလိုပဲ သီချင်းလေးတွေ ဆိုပြမယ်...... ဘလိတ်ဒန့်ဆွဲပြမယ်...... ဆက်ဆီဒန့်စ်ကပြမယ်...... တို့များကိုအားပေးကြဦးနော့´

အသံကို အညုဆုံးထားပြီး ခပ်ချွဲချွဲလေးပြောလိုက်တာနဲ့ ရထားပေါ်က ခရီးသည်အပေါင်းသူ့ကို လှည့်ကြည့်ကြသည်။ ရထားစီးနေကျ ခရီးသည်ယောင်္ကျားလေးတွေက သံသေးသံကြောင်ပေါင်းစုံနှင့်အော်ကြသည်။ ကလေးတွေက တော့ ဘာရယ်မဟုတ် ဟေး ခနဲအော်ပြီးလက်ခုပ်တီးကြသည်။ ခရီးသည်မိန်းမတွေကတော့ သူ့ကိုပြုံးစိစိနဲ့ ကြည့်ငေးနေကြလေသည်။

`ကိုကိုများကိုချာတိတ်လို့ခေါ်နဲ့.... နာမည်ရှိတယ်ကြိုက်ဘူးသိရဲ့လား...... ...... ´


ခပ်မြူးမြူးသီချင်းတစ်ပုဒ်ကိုဆိုပြလိုက်သည်။ အသံတင်မဟုတ်.. မျက်နှာအမူအယာကိုပါ အညုအခရာ ပိုပိုနှင့်ဆိုပြရ၏။ အားလုံးကတော့ ပွဲကျနေကြပြီ။ ထပ်၍ ပါးစပ်ဆိုင်းဖြင့်ကြားဖူးသော ဒန်စ့်သီချင်းတီးလုံးကို ဒါ ဒါ ဒီဒီ ရွတ်ရင်း တစ်ကိုယ်လုံးခါညွတ်ကပြရသေးသည်။ ထို့နောက် အနောက်တိုင်းမိန်းကလေးတွေကသော ဆက်ဆီဒန်စ့်ဆိုတာကို သိပ်မရိုင်းအောင်ကလိုက်ပြန်သည်။ အသံက ပေါင်းစုံထွက်လာ၏။ သဘောတကျ ချီးကျူးသံတွေရော.... လှောင်ပြောင်အော်ဟစ်ချင်ဟန်တူသော သံသေးသံကြောင်တွေရော.... ။ သူ့အတွက်ကတော့ ဒါတွေက ရိုးအီနေပြီဖြစ်သည်။ ကိုယ့်အလုပ်ကိုယ်ဆက်လုပ်ဖို့က အဓိကပါပဲ။ ဘေးမှာလွယ်ထားသော စလင်းဘက်ထဲက ဆီးယိုထုပ်တွေထုတ်လိုက်သည်။

`ကဲ..... တို့များကိုကိုတို့မမတို့သဘောကျ ကပြပြီးပြီ ဆိုပြပြီးပြီ..... တို့များကိုသဘောကျတယ်ချစ်တယ်ဆိုရင် တို့များရဲ့ ဆီးယိုလေးတွေလည်း အားပေးကြပါလား..... သိပ်သိပ်ပြီးကျေးဇူးတင်မှာသိလား..... တို့များ..... .... .... ...´

ပါးစပ်ကလည်း ပြောပြောဆိုဆိုတွန်းတွန်းထိုးထိုးနှင့်ရောင်းရေးဝယ်တာကို စရသည်။ အင်း..... ဟိုပြေးဒီပြေးနှင့် တော်တော်တော့ ပင်ပန်းသွား၏။ ဒါပေမယ့်တော်တော်လေးရောင်းလိုက်ရ၏။ အင်း..... စိတ်ကိုနှစ်ထားလိုက်လို့လားတော့မသိ။ ညနေစောင်းလို့မိုးချုပ်ခါနီးဖြစ်သွားတာတောင်မသိလိုက်။ အပြင်ကိုလှမ်းကြည့်တော့ မှောင်ရီပျိုးနေပြီ။ ရှေ့ဘူတာမှာဆင်းပြီး တည့်တည့်တက်သွားရင် ရပ်ကွက်ထဲသို့ ရောက်သည်။ ရှေ့ဘူတာမှာ ဆင်းပြီးလမ်းလျှောက်မည်ဟု တွေးလိုက်၏။

ဘူတာကဆင်းပြီး လမ်းလျှောက်ရင်း ရောင်းရသောပိုက်ဆံကိုရေတွက်လာလိုက်သည်။ ဒီနေ့မဆိုးတော်တော်ရောင်း ရသည်။ တခါ တလေ တနေကုန်လို့မှ နှစ်ထုပ်၊ သုံးထုပ်လောက်ပဲ ကုန်တာမျိုးကြုံဖူးသည်။ လူရောစိတ်ရော ပင်ပန်း သည်။ အင်း... ရှေ့မှာဆေးဆိုင်ရှိသည်။ ဆေးဝင်ဝယ်ရဦးမည်။ ခပ်သွက်သွက်လျှောက်မှ။ မိုးလည်းအတော်ချုပ်နေပြီ။ အမေစိတ်ပူရော့မယ်။

`ဟ ဟ ဂျော်ကစ်လေးပါလား.... မိုက်တယ်ဟေ့ ကြည့်ကြစမ်း´

`ဟား ဟား ဟား´

ထိုအသံတွေနှင့်အတူ အမူးသမားတွေလား ၊ လမ်းသရဲတွေလားမသိ အော်ဟစ်ဆူညံပြီး အနားရောက်လာကြသည်။ ဘာလုပ်ရမည်မသိ။ လမ်းမီးလည်း မရှိတော့ အတော်မှောင်သည်။ လူခြေကလည်းပြတ်လှ၏။ ဒီလမ်းကဖြတ်လာမိတာ မှားပြီထင်သည်။

`ဟေ့ ချော်ကောက်လေး ..... ချစ်လို့ရမလားဟေ့ ဟား ဟား မင်းက ချောတယ်ကွ..... ´

သူဘာလုပ်ရမလဲ။ အများနှင့်တစ်ယောက်..... ။ ပြီးတော့ သူ့အသွင်အပြင်က မိန်းမလျှာပုံစံ။ ဒီကောင်တွေပုံကြည့်ရတာ ဒါမျိုးတွေလည်း ရှောင်မယ့်ပုံမဟုတ်။ အလိမ္မာသုံးကြည့်ရမည်။

`တို့များ နောက်ကျနေပြီ ကိုကိုတို့မောင်မောင်တို့ရဲ့...... ပြန်ပါရစေဟယ်.....နော်....´

`ဟား ဟား ဘယ်ရမလဲ... ဒီလို...´

`အဲလိုမလုပ်ပါနဲ့ကိုကိုတို့ရယ်... .တို့များသီချင်းဆိုပြမယ်လေနော်..... ပြီးရင်တော့ ပြန်ပါရစေဟယ်´

`အာ.... မင်းကတာများ မကြည့်ချင်ပါဘူး ငါတို့က မင်းကိုချစ်ချင်တာကွ ဟဲဟဲ´

ိပြောပြောဆိုဆို သူ့နားကို ၀ိုင်းအုံကပ်လာကြ၏။ ထို့နောက် တစ်ယောက်က စပ်ဖြဲဖြဲမျက်နှာနှင့်ကြည့်ပြီး သိုင်းဖက်လိုက်၏။ ပြီးတော့.. လက်တွေက သူ့လက်မောင်းကို ပွတ်သပ်လာ၏။ ပျော့နွဲ့ချင်ယောင်ဆောင်နေ၍မရတော့။ တို့များဘ၀ကနေ သက်စိုးဘ၀ကိုပြန်ရောက်လာသည်။

`ဟာ.. အဲလိုမလုပ်ကြပါနဲ့ကွာ...... ငါ.. ငါ.. ယောင်္ကျားလေးပါကွ...´

အဲဒီတော့မှ ပိုဆိုးတော့သည်။ ခပ်အစ်အစ်ရယ်သံလှောင်သံတွေထွက်လာသည်။ ပြီးတော့.....

`နေစမ်းပါကွာ အခြောက်ကအခြောက်ပေါ့ကွ.... ငါတို့ကိုအေးအေးသက်သာ ပြန်ချစ်လိုက်စမ်းပါကွာ..... မင်းကမိန်းမလို ၀တ်ထားပြီးငါတို့ကိုကျမှ ယောင်္ကျားပါလို့ပြောရအောင် နှစ်ဖက်ချွန်လား... ဟား ဟား ...´

ပိုမိုလွန်ကဲလာသော ဖက်နှောင်မှုများကြားမှ အားရှိသလောက်ရုန်းထွက်မိသည်။ မထူးခြား... ။ ဒေါသက ထွက်လာ၏။ ပါးစပ်ဖျားမှ ဒေါသသံစွက်သော စကားလုံးများ ထွက်ကျလာသည်။

`ဟေ့ကော င်တွေ မင်းတို့မယုံချင်လည်းနေကွာ ငါက ဈေးရောင်းလို့ ခြောက်ချင်ယောင်ဆောင်တာ.... ငါအခြောက်အစစ်မဟုတ်ဘူးကွ.. လွှတ်ကြကွာ... ငါပြန်မယ်....´

`ဘာ.... မင်းက ငါတို့ကိုဘယ်လိုလေသံမျိုးနဲ့ပြောတာလဲ.... အခြောက်ကအခြောက်ပေါ့ကွ... မင်းတော့နာတော့မယ်´

`ဟာကွာ.... မင်းတို့တော့ကွာ.....တောက်´

`ဟင်.... တောက်ခေါက်ရအောင်မင်းကဘာကောင်မို့လို့လဲ..... ဒီလောက်တောင်အကြောတင်းတဲ့ ဟိုမရောက်ဒီမရောက်ကောင် ကဲကွာ....´

သုံးလေးယောက်ဝိုင်း၍ ထိုးနှက်မှုကို ခံနိုင်ရည်မရှိ။ အပြိုပြိုအလဲလဲ....။ ဒီကောင်တွေ အရမ်းမိုက်ရိုင်းသည်။ လွန်ကျူးသည်။ အများနှင့်တစ်ယောက်မို့ပြန်လည်တုံ့ပြန်ရန် အခွင့်အရေးမရ။ လွယ်ထားသော ဆလင်းဘက်အိတ်က လွင့်ထွက်သွား၏။ တစ်ကောင်က ပြေးကောက်ပြီး ဖွင့်ကြည့်သည်။ ဆီးယိုထုပ်တွေကိုသရော်တော်တော်ပုံမျိုးဖြင့်ဖွင့်ကြည့်ပြီး လွှင့်ပစ်လိုက်သည်။ ထွက်ကျလာသော ပိုက်ဆံတွေကို ခပ်ဆဆကြည့်သည်။ ပြီးတော့ ဘောင်းဘီနောက်အိတ်ထဲထိုးထည့်လိုက်၏။ အလွန်နာကျင်နေသော ကြားမှတုန်တုန်ယင်ယင်အော်ဟစ်လိုက်မိသည်။

`ဟာ.... မလုပ်ကြပါနဲ့ကွာ... ငါ ဈေးရောင်းထားတာတွေကွ....´

သူ့ဂုတ်ကိုဆွဲမ၍ လမ်းသရဲကောင်တစ်ကောင်က ပြောပြီး သူ့ကိုတွန်းလွှတ်လိုက်၏။

`နေစမ်းကွာ..... မင်းကိုပညာပေးတယ်လို့သဘောထားလိုက်ပေါ့ကွ.... မင်းပိုက်ဆံတွေယူတယ်ကွာ မင်းဘာလုပ်မလဲ.. ဟား ဟား ဟေ့ကောင်တွေ.. ဒီကောင်မကိုထားခဲ့တော့... ငါတို့အရက်သွားသောက်မယ်.... ဟား ဟား ဟား´

သူ့ကိုကြည့်၍ရယ်ကြသည်။ လှောင်ပြောင်ရယ်မောပြီး ပြန်လှည့်ထွက်သွားကြသည်။ ကိုင်ရိုက်ထားသလို နာကျင်နေသောဒဏ်ရာများကြားမှ မျက်ရည်တွေစီးကျလာသလားမသိ။ ဘယ်သူမှ မရှိတော့သည့်တိုင်အောင် စကားတွေတွတ်တွတ်ပြောပြီး လှမ်းတောင်းပန်နေမိသည်။ သို့သော်အသံက လည်ချောင်းဝမှာတင်နင့်အစ်ကြေကွဲနေ၏။
မလုပ်ကြပါနဲ့ကွာ... ငါတနေ့လုံးဈေးရောင်းထားတဲ့ပိုက်ဆံတွေပါ.... အိမ်မှာ ငါ့အမေက နေမကောင်းတဲ့ကြားက ငါ့ကိုပူပန်နေတော့မှာ... ငါ့အမေ နေမကောင်းဘူး....... ငါ့အမေအတွက်ငါ ရှေ့နားမှာ ဆေးဝင်ဝယ်ရမှာ....... တနေ့ဆေးဝယ်ဖို့တနေ့ ငါမနည်းချန်ရတာပါကွာ.... အနိုင်မကျင့်ကြပါနဲ့..... ငါ့အမေတကယ်နေမကောင်းဘူး.... ငါတတ်နိုင်တာနဲ့ ငါ့အမေကိုဆေးကုနေရတာပါ...... ဆရာဝန်မပြနိုင်ဘူး..... အမေသောက်ဖို့ဆေးကို တနေ့စာတနေ့ ငါဝယ်ရတာပါ.... တခါတလေ ပိုက်ဆံမလောက်ရင် ငါထမင်းမစားရဘူး...... မင်းတို့မှာလည်း အမေရှိမှာပါကွာ.... ငါ့ကိုစာနာကြပါ.... မင်းတို့အကုန်ပြန်မပေးချင်ရင်တောင် ဆေးဝယ်ဖို့ပိုက်ဆံလေးပဲပြန်ပေးကြပါကွာ..... ငါ့အမေဖို့ဆေးဝယ်လို့ရရင်တော်ပါပြီ.... မင်းတို့.... မင်းတို့.... ပြန်ပေးကြပါကွာ......။
သူ့လိုမပြည့်စုံသော ဘ၀တွေ.... ဘယ်လောက်တောင်ေ၀၀ါးခဲ့ကြဖူးပြီလဲ....။ သိချင်လှပါသည်။


သူရဿဝါ

နဂါးမျက်စောင်းတွေကြားက မိုးနေ့.......

ဒီနှစ်မိုးရာသီမှာတော့ ဒီနေ့ရွာတဲ့မိုးက အသည်းဆုံးဖြစ်လိမ့်မယ်။ ဒါပေမယ့် မလေးရော.. ကျနော်ရော.. ရင်ထဲမှာနွေးနေတယ်။ အင်းလေ… ပူပူနွေးနွေးချစ်သူတွေပဲ…. သွေးလည်ပတ်မှုကို ရင်ခုန်သံက အကာအကွယ်ပေးပြီးသား ဖြစ်မယ်ထင်တယ်။ မလေးမျက်နှာကို ကျနော် မြတ်မြတ်နိုးနိုး ကြည့်တယ်။ ကျနော့်ကိုလည်း မလေးက ကြည်ကြည်နူးနူး ယှက်ယှက်ဖြာဖြာကြည့်တယ်။ ပြီးတော့ တစ်ယောက်ကိုတစ်ယောက်ကြည့်ပြီး ရယ်မိကြတယ်။ အကြောင်းမဲ့ရယ်နေတတ်တဲ့ သမီးရည်းစားတွေကို ခုမှနားလည်တော့တယ်။ မလေးလက်ကို ကျနော့်လက်နဲ့ ထပ်မိုးထားလိုက်တယ်။ ပြီးတော့ မိုးရေထဲမှာပဲ လမ်းလျှောက်ပြီး ပြန်လာကြတယ်။ မိုးမမြင် လေမမြင်ဆိုတာ ဒါပဲဖြစ်မယ်ထင်တယ်။ ဒါပေမယ့် မလေးလက်တွေ တဖြည်းဖြည်းပိုပြီး တုန်ယင်လာသလိုပဲ။ သူ့မျက်နှာကို ငုံ့ကြည့်လိုက်တယ်။ မလေးတော်တော်ချမ်းနေပြီထင်တယ်။



`မလေး ခြေထောက်တွေ လက်တွေကိုက်လာပြီ ကို´



ဟာ.. မလေးပြောမှပဲ သတိရတော့တယ်။ မလေးမှာ လေးဘက်နာရောဂါရှိတယ်လေ။ သူက အအေးခံလို့မှမရတာ။ အေးတာနဲ့ မလေးထုံကျင်ကိုက်ခဲလာရော။ ဆောရီးပဲ မလေးရယ်။ ကို ပျော်တာလွန်သွားတယ်။ ကျနော့်ရဲ့ Rain Coat အပြာလေးကိုချွတ်ပြီး မလေးကိုယ်ပေါ်ခြုံပေးထားလိုက်တယ်။ ပြီးတော့ ကားငှားပြီးမလေးအိမ်နားထိ လိုက်ပို့လိုက်တယ်။ ကျနော်ကားပေါ်က ဆင်းတော့ တစ်သက်လုံးအမှတ်ရနေမယ့် စကားတစ်ခွန်းကို မလေးပြောတယ်။



`ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရသိမ်းထားလိုက်တော့မယ် သိလား´



@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@



ကြာခဲ့ပါပြီ။ တော်တော်ကိုကြာခဲ့ပါပြီ။ မလေးနဲ့လမ်းခွဲခဲ့တာ…။ ဒါမှမဟုတ် မလေးက လမ်းခွဲကျောခိုင်းသွားခဲ့တာ။ ဒီနေ့ဆိုရင်ပဲ ဆယ်လတင်းတင်းပြည့်ပြီလေ။ ဒါပေမယ့် အဖြစ်အပျက်တွေ.. နာကျည်းစရာတွေကတော့ လတ်လတ်ဆတ်ဆတ် ကျန်နေခဲ့သေးတယ်။ ကျနော်က ခုထိ ရှုံးနေတုန်းပဲ။ အဲဒီအတိတ်တွေကို ပြန်စဉ်းစားတိုင်း ခံစားမှုကပါ တွဲလျက်ပါလာလို့ပါ။ ကျနော်တို့နှစ်ယောက်ဘ၀ကို အတူလက်တွဲဖို့.. တင့်တောင်းတင့်တယ် အခြေချဖို့… တိုင်ပင်ခဲ့ကြဖူးတယ်။ ကျနော်က သူ့ကိုပြောတယ်။



`မလေး ကျနော်တခြားတိုင်းပြည်မှာ အလုပ်သွားလုပ်မယ် ကျနော့်ကိုကျနော်ပြည့်စုံပြီလို့ခံယူတဲ့အထိ ကျနော့်မိသားစုနဲ့ မလေးကို ပြည့်စုံအောင်ထားနိုင်တဲ့နေ့ရောက်ပြီလို့ ယူဆနိုင်တဲ့နေ့အထိ ကျနော်သွားမယ်။ သုံးနှစ်.. ဒါမှမဟုတ် လေးနှစ်လောက်လည်း ကြာချင်ကြာမယ်.. မလေး ကျနော့်ကိုစောင့်နေမယ်မဟုတ်လားဟင်´



`မလေးတို့နှစ်ယောက်ဘ၀အတွက်ပဲကိုရယ် မလေးစောင့်ရမှာပေါ့ သုံးလေးနှစ်လည်းမဟုတ်ဘူး ဆယ်နှစ်ဆိုလည်း ကို့ကို မလေးစောင့်မှာပေါ့ကွယ်´



အဟင်း… ရယ်စရာတော့အကောင်းသား။ ရေခြားမြေခြားမှာ အလုပ်သွားလုပ်မယ့်ချစ်သူကို ဆယ်နှစ်ဆိုလည်း စောင့်ပါ့မယ်လို့ ပြောခဲ့တဲ့မိန်းကလေးက ကျနော့်မိသားစုအလုပ်ကိစ္စနဲ့ ကျနော်နယ်ကိုရောက်သွားတဲ့ တစ်လအတွင်းမှာ နောက်တစ်ယောက်နဲ့ ပြောင်းပြီးလက်တွဲသွားတာလေ။ ကျနော်ပြန်လာတဲ့အချိန်မှာ သူပျာယာခတ်နေခဲ့တယ်။ သူ့ချစ်သူ အသစ်စက်စက်လေးကို ကျနော်က ချောင်းရိုက်မှာစိုးရိမ်တယ်။ သူ့ကိုကျနော် ရန်ရှာမှာစိုးရ်ိမ်တယ်။ အဲဒီသတင်းတွေ ပြန်ကြားတော့ ကျနော်ပြုံးမိတယ်။ သဘောကျရုံတစ်ခုတည်းတော့ ဘယ်ဟုတ်မလဲ။ ဒဏ်ရာတွေပါထည့်ထားရတဲ့ အပြုံးမျိုးလေ။ မဲ့ပြုံးလို့ ခေါ်မလားမသိဘူး ။ ဟား .. မလေးရယ် ကျုပ်က ခေါင်းမရှိတဲ့ကောင်မှမဟုတ်တာ။ ဘာအပြစ်မှ မရှိတဲ့ခင်ဗျားချစ်သူကို ကျုပ်က ဘာလို့ချောင်းရိုက်ရမှာတုန်း။ သူက ခင်ဗျားကျုပ်ကိုပေးခဲ့တဲ့ ကတိတွေအကြောင်း … ခင်ဗျားတဖွဖွပြောနေခဲ့တဲ့ ချစ်စကားတွေအကြောင်းဘာမှ သိခဲ့တဲ့သူမှမဟုတ်တာ။ ခင်ဗျားကိုလည်း ကျုပ်ရန်မရှာပါဘူးဗျာ။ ခုတောင် ကျုပ်ဘာများလုပ်မလဲ ဆိုတဲ့စိတ်တွေက ခင်ဗျားကိုကောင်းကောင်း ရန်ရှာနေပြီမဟုတ်လား။ မလိုတော့ပါဘူး။



အင်း….. အဲဒါတွေက ကြာခဲ့ပါပြီလေ။ ကျနော်လည်း တော်တော်ကို အနည်ထိုင်စပြုနေပါပြီ။ ဒီနေ့လည်း အပြင်ထွက်လာတုန်းက ခင်ဗျားနဲ့ ပြတ်တာ ဆယ်လပြည့်မှန်းသတိမရခဲ့ပါဘူး။ အရမ်းသည်းလာတဲ့ မိုးက ကျနော့်ကို ပြန်ပြီး သတိပေးလိုက်လို့ပါ။ ခင်ဗျားတော့မသိဘူး။ ကျုပ်က မှတ်မိနေသေးတယ်။ ကျုပ်တို့စပြီး ချစ်သူဖြစ်ခဲ့တာ ဒီလို မိုးတွေသိပ် သည်းတဲ့နေ့မှာလေ။ တွေးရင်းနဲ့ပဲ ကားမှတ်တိုင်နားရောက်လာတယ်။ ကားဂိတ်မှာလည်း လူတွေက ထီးဆောင်းလို့တစ်မျိုး.. ဒီအတိုင်းရပ်လို့တစ်မျိုး ကားစောင့်နေကြတယ်။ အဟင်း သတိရလက်စမို့လို့လား မသိဘူး။ ဟိုဘက်ထောင့်မှာ ရပ်နေတဲ့ကောင်မလေးက ခင်ဗျားနဲ့တော်တော်တူတာပဲ။ ဟုတ်တယ်.. သေချာကြည့်လိုက်တော့ တော်တော်ကို… ဟာ….. အဲဒါ မလေး… ။ အာ.. ငါစိတ်ထင်တာဖြစ်မှာပါ။ ဟာ.. ဟာ…. ဟာ…. တကယ်ပဲကွာ…။ တကယ် ခင်ဗျားကိုး။ ဘေးမှာက ခင်ဗျားရဲ့ ချစ်သူပေါ့ ဒါဆို။ ဟင်… ဒီကောင်… ဒီကောင်.. …… ။ အရမ်းပေါက်ကွဲသွားတယ်။ ဘယ်လိုမှ စိတ်ကိုတားလို့မရဘူး။ မျက်လုံးထဲမှာ အနီရောင်တွေ လွှမ်းသွားတယ်။ မင်း.. မင်းကွာ… ရာရာစစ… ။ ပြီးတော့ မလေး… ခင်ဗျား.. ခင်ဗျားဗျာ…. ။ ခေါင်းထဲမှာ ဘယ်တော့မှ မေ့ပျောက်မသွားမယ့် ဟန်ပန်တွေ… စကားသံတွေ … အစီအရီ ပြန်ပေါ်လာတယ်။



`ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရသိမ်းထားလိုက်တော့မယ် သိလား´



`ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရသိမ်းထားလိုက်တော့မယ် သိလား´



`ကို့ Rain Coat လေးကို မလေးထပ်မ၀တ်တော့ဘူးကို မလေးနောက်နေ့ လျှော်ပြီး အမှတ်တရသိမ်းထားလိုက်တော့မယ် သိလား´



တောက်….။ မင်း … ငါနဲ့တွေ့မယ်။ အဲဒီကိုပြေးသွားလိုက်တယ်။ ဒီကောင့်မျက်နှာကို တစ်ချက်လက်သီးနဲ့ထိုးပစ်လိုက်တယ်။ ရုတ်တရက်ဆိုတော့ ဒီကောင်နောက်ကိုလန်သွားတယ်။ ဟင့်အင်း….. မင်း လဲသွားလို့မရသေးဘူး။ ငါ့ Rain Coat ကိုပြန်ချွတ်ပြီးမှ မင်းလဲရမယ်ကွ။ ဒီကောင့်ကိုယ်ပေါ်က Rain Coat ကို ကျနော်အတင်းဆွဲချွတ်နေမိတယ်။ အဲဒါကလွဲလို့ တစ်လောက လုံးမှာ ကျနော်လုပ်သင့်တာဘာမှ မရှိဘူးမဟုတ်လား။ ကားမှတ်တိုင်မှာ ရုတ်ရုတ်သဲသဲဖြစ်သွားတယ်။ လူသုံးလေးယောက်လောက်က ကျနော့်ကိုအတင်းလာဖမ်းချုပ်တယ်။ ဘာလဲ… ဘာလို့လာချုပ်နေတာလဲ။ ခင်ဗျားတို့ဘာသိလို့လဲ။ ကျနော်မမှားဘူးဗျ။ အတင်းရုန်းကန်ငြင်းဆန်ရင်း ကျနော်အော်ဟစ်နေမိတယ်။ ခင်ဗျားတို့ ဘာမှမသိပါဘူးဗျာ။ လွှတ်ကြစမ်းပါ။ ကျုပ်ကို သူတို့နှစ်ယောက်က စော်ကားတာဗျ.. ကျုပ်မှာ အနည်းဆုံး ကိုယ့်ပစ္စည်းကိုယ်တော့ ပြန်ယူခွင့်ရှိတယ်လေ….. ။ ဘာမှလည်း ပြောလို့မရဘူး… ဘာမှလည်း ဆက်လုပ်လို့မရတဲ့အဆုံးမှာ.. ကျနော့်ကိုလာချုပ်တဲ့ သူတွေလက်ထဲကနှေရုန်းကန်ရင်း မလေးဆိုတဲ့ မိန်းမကို စူးစူးရွားရွား စိုက်ကြည့်လိုက်တယ်။ သူ့မျက်နှာက သွေးမရှိတော့သလို ဖြူရော်လို့။ မျက်နှာကလည်း အရမ်းကိုထိတ်လန့်တဲ့ ပုံစံနဲ့။ ဟုတ်တယ်… ခင်ဗျားရဲ့ အရမ်းကို … လွန်လွန်းတဲ့လုပ်ရပ်လေ.. ခင်ဗျားရဲ့အမှားလေ… ခင်ဗျားရဲ့ စကားတွေလေ…. ဟ ဟ … ခင်ဗျားအဲလို ထိတ်လန့်တဲ့အကြည့်ကလွဲပြီး ဘယ်လိုမျက်လုံးမျိုးနဲ့ ကျုပ်ကိုကြည့်ရဲမှာတဲ့လဲ။ ဒေါသထပ်ထွက်လာတယ်.. ထပ်ပြီးရုန်းတယ်။ ဒါပေမယ့် မရပါဘူး ။ သုံးယောက်လောက်ဝိုင်းချုပ်ထားတာဆိုတော့ သူတို့ဆွဲတဲ့နောက်ကို ကျနော်ပါသွားတယ်။ ကျနော့်ကို ဘယ်ပို့ကြမလဲ.. ကျနော်ဘယ်ရောက်မလဲမသိသေးဘူး။ ဂရုလည်းမစိုက်ဘူး။ ဘယ်ကိုရောက်ရောက် ငါ့ရဲ့ Rain Coat ကို ငါပြန်လာယူမယ်။ မရ ရအောင်ပြန်ယူမယ်… ။ ငါ့အကြည့်တွေ… ငါ့အပြုအမူတွေကို … မင်းတို့ဘယ်သွားသွားမြင်ရစေမယ်..........

ဒီနေ့က ဆယ်လတင်းတင်းပြည့်တဲ့နေ့။ မိုးတွေကလည်း သည်းလိုက်တာ.......... ဒီနှစ်မိုးရာသီမှာလည်း ဒီနေ့ရွာတဲ့မိုးက အသည်းဆုံးပဲ သေချာတယ်………………..



သူရဿဝါ

သံစဉ်

မင်းစိတ်ကူးတွေက ငါ့ဆီကျန်ခဲ့တာလား

ငါ့စိတ်ကူးတွေကိုပဲ မင်းယူဆောင်သွားတာလား

ဘာပဲဖြစ်ဖြစ်….

အချစ်ဆိုတာကတော့ ပွဲတော်ညရဲ့

ရွှန်းစိုစိမ်းမြ ဂီတဖြစ်လိမ့်မယ် သံစဉ်။



မင်းကိုပေးမယ့် ငါ့လက်ဆောင်ဟာ

ပန်းတစ်ပွင့်မဟုတ်…

ရင်ထိုးတစ်ခုမဟုတ်…

(ငါ့အထင်)

အဲဒါတွေက ရိုးလွန်းလှတယ်

ငါ့ကိုယ်ငါ ရနံ့တွေထုံဝေေ၀ပစ်ထည့်ပြီး

မင်းအိပ်မက်ထဲ ချိတ်ဆွဲပေးထားချင်တာပဲ သံစဉ်။



ငါ့အချစ်က နေရာသတ်မှတ်ချက်မရှိ….

ဆိုကြပါစို့

ဖတ်လက်စစာအုပ်ထဲက

မျဉ်းတားလိုက်တဲ့စာကြောင်းကလည်း…. မင်း

နားထောင်ဖြစ်တဲ့သီချင်းကလည်း… မင်း

သောက်လက်စကော်ဖီခွက်ကလည်း… မင်း

ကဲ… ငါ့ကို ဘယ်လိုဝေဖန်သုံးသပ်

ရူးနေတာလို့ မင်းခေါင်းစဉ်တပ်မလဲ သံစဉ်။



ငါ့ရှေ့မှာ ထီးထီးမားမားရပ်ပါ

သြဇာပါတဲ့ မျက်ဝန်းတွေနဲ့ ကြည့်ပါ

လိုချင်သမျှကို လက်ညှိုးညွှန်ပြပါ

အမိန့်တော်မှန်သမျှကို ဦးညွှတ်ဒူးထောက်

မင်းရှေ့မှောက်မှာဆို ငါက

လက်အောက်စေပါးတစ်ယောက်ပေါ့ သံစဉ်။



လရောင်အခင်းအကျင်းက လဲ့မြူဖြာကျ

စုးမြမြလေး မင်းပြုံးနေသလား

အတွေးကို အလိုက်သင့်အလျားသင့် ဆန့်ထုတ်ကြည့်တဲ့အခါ

ငါ့ချစ်ခြင်းတွေကလည်း

ဘယ်တော့မှ ရပ်တန့်မှာမဟုတ်တဲ့

ခရီးသည်တစ်ဦးဖြစ်နေဦးမယ် မိသံစဉ်။



အဲဒီနေ့မှာ….

ပန်းမျိုးစုံ ထုံထုံဝေေ၀ပွင့်လာလိမ့်မယ်

တူရိယာသံမျိုးစုံ ချိုချိုအီအီလွင့်ပျံ့လာလိမ့်မယ်

အလင်းမီးအိမ်တွေလည်း စူးစူးတောက်တောက် လင်းလျှံလာလိမ့်မယ့်

အဲဒီနေ့မှာပဲ…

သင်းထုံတဲ့ ဥယျာဉ်တော်ကြားမှာ

ငါ့ရင်ခွင်ထဲ မင်းကခေါင်းညွှတ်မှီအပ်

ငါကလည်း ချစ်တဲ့အကြောင်းကို

အက်ကြောင်းထပ်ပြောပြနေမိပေလိမ့်မယ် သံစဉ်။ ။



သူရဿဝါ

တိုးပွားမစ အဘထ

ဒီကောင်လေးကိုတော့ အသည်းယားလာပြီ။ ချစ်တယ်ဆိုလည်း မြန်မြန်ပြောတာမဟုတ်ဘူး။ ဒီကဖြင့် မသိတာကျနေတာပဲ။ ဟွန်း… ဒီလောက်တောင် အဖြစ်မရှိတဲ့ကောင်စုတ်လေး….။ ဒီတစ်ခါ တို့ကားနောက်ကနေ သူ့ကားလေးကပ်ပါလာလို့ကတော့ ရှေ့ကနေ ဘရိတ်ကို ဆောင့်အုပ်ပစ်လိုက်မယ်။ အဲဒါဆို သူကအရှိန်မထိန်းနိုင်ဘဲ ကားကိုဝင်ဆောင့်မိတာနဲ့ သူ့ကိုရန်တွေ့ပြီး ဇာတ်လမ်းရှာပစ်လိုက်မယ်။ သူကတောင်းပန်မယ်..။ အဲဒီနောက်တော့ ထုံးစံအတိုင်း ချစ်ကြ ကြိုက်ကြ အီကြလေသတည်း ပေါ့။ အဲ… တို့ကားကတော့ တော်တော်ပစ်ရမှာပဲ။ အင်း… ကိစ္စမရှိပါဘူးလေ။ တို့ဒယ်ဒီက သူဌေးပဲဟာကို။ ဟိုတယ်ကြီးပဲ ဆယ့်ခုနစ်လုံးလောက်ပိုင်တာ။ တို့အတွက် ဒီလောက်ကတော့ နိုးပဒေါ်ဘလမ်ပဲ။ အရေးကြီးတာက ကောင်လေးရဲ့ အချစ်ကို ရဖို့ပဲလေ ဟင်းဟင်း။



`သမီးရေ… အဘဖုန်းဆက်ချင်လို့ကွယ်….´



ရှေ့ကခေါ်တဲ့အသံကိုကြားလိုက်မှပဲ လူကလက်ရှိဘ၀ထဲပြန်ရောက်လာတယ်။ ဟာ… ဖီးလ်ပျက်လိုက်တာကွာ။ ဒီမှာ ဟိုစာရေးဆရာမလေးရဲ့ ၀တ္ထုထဲက မင်းသမီးနေရာမှာ ၀င်ပြီးခံစားနေတာ… ကျွတ်စ်။ အင်းလေ… ဘယ်တတ်နိုင်မလဲ။ ကိုယ့်အလုပ်က တယ်လီဖုန်းအော်ပရေတာဆိုတော့လည်း တာဝန်တော့ကျေအောင်လုပ်ဦးမှ။ မနက်ရောက်ကတည်းက ဘယ်သူမှ လာမဆက်သေးလို့ ၀တ္ထုထိုင်ဖတ်ရင်းမျောသွားတာ။ မျောတာလည်း မပြောနဲ့လေ။ ဖတ်လို့ကောင်းတာကိုး။ ပြောလို့ပြောတာမဟုတ်ဘူး။ အဲဒီစာရေးဆရာမလေးရဲ့ ၀တ္ထုတွေဖတ်ရတာ သိပ်စိတ်ချမ်းသာတာပဲ။ စိတ်ကူးယဉ်လို့ကလည်း တယ်ကောင်း။ ကောင်းမှာပေါ့။ သူ့ဇာတ်ကောင်တွေကိုကြည့်လိုက်ရင် အမြဲချမ်းသာကြွယ်ဝနေတာပဲ။ သိပ်အဆင့်အတန်းမြင့် တာ..။ ကော်ဖီသောက်တာတောင် သစ်ဂျပိုးခေါက်မွှေထားတဲ့ အကောင်းစားကော်ဖီဆိုမှ။ သွားတာလာတာရော ကြည့်ဦးမ လား။ ကားပေါ်ကမဆင်း လုံးဝကိုမြေမနင်းတာ.. ဟာ ဟ။ ကဲ… ဖတ်ရတာ ဘယ်လောက်စိတ်ချမ်းသာစရာကောင်းလဲ။ ဟိုတစ်ခါ မှတ်မှတ်ရရ စာအုပ်တစ်အုပ်ဖတ်ရတယ်။ ဇာတ်လမ်းစစချင်း မင်းသားရော.. မင်းသမီးရော ဆင်းရဲလိုက်တာမှ လွန်ရော.. ။ မင်းသားဆိုရင် ဘယ်လောက်ထိဆင်းရဲလဲလို့ အိမ်သာကျင်းတူးစားရတာ.. အဲ.. အိမ်သာကျင်းတူးတဲ့ ပိုက်ဆံနဲ့ လုပ်ကိုင်စားရတာ..။ မင်းသမီးဆိုလည်း ဆင်းရဲလိုက်တာမှ ခဏခဏအရင်းပြုတ်နေတဲ့ ပဲပြုတ်သည်တဲ့။ ဟာ… ဒီတစ်အုပ် တော့သွားပြီပေါ့။ နှစ်ယောက်လုံးစုတ်ပြတ်သတ်နေတာပဲဆိုပြီး ဖတ်ရင်းနဲ့စိတ်တောင်ဆင်းရဲနေရသေးတယ်။ အမယ်လေး.. ဖတ်နေရင်းနဲ့ စာမျက်နှာ ငါးလည်းရောက်ရော ဘာဖြစ်ကုန်တယ်ထင်သလဲ။

ကောင်လေးက အိမ်သာကျင်းတူးရာကနေ ရွှေအိုးကြီးတွေတူးမိတာ……. ။ နေ့ချင်းညချင်းကို ဘောစိဖြစ်သွားတော့ တာပဲ။ မင်းသမီးကျတော့လည်း အိမ်တကာလှည့်ပဲပြုတ်ရောင်းရင်းကနေ စိန်ထုတ်ကြီးကောက်ရတာဆိုပဲ။ ကဲ… ဇာတ်လမ်း ဆင်သွားတာလေးများ ဘယ်လောက်သင်းလဲ။ စာရေးဆရာမလေးတော်တယ်ဆိုတာ အဲဒါတွေပြောတာလေ။ ဘယ်လို စာရေးဆရာမျိုးက သူ့လို ရသမြောက်အောင်ရေးနိုင်မလဲ။ အဲ.. ပြီးတော့ရှိသေးတယ်။ နာမည်.. သူ့ဇာတ်ကောင်တွေကို နာမည်ပေးတာများ သိပ်ကောင်းတာပဲ။ စာရေးဆရာမ လုပ်မစားပဲ နာမည်ပေးကင်ပွန်းတပ်စားရင်တောင် ပိုကောင်းဦးမယ်။ ကြည့်လေ… မင်းသမီးလေးနာမည်က… ခင်စန္ဒာကလျာဒေးဗစ်တဲ့.. ။ မင်းသားလေးဆိုပိုတောင် မိုက်သေး..။ ဝေထူးသက်လွင် ရစ်ချတ်ဒင် တဲ့။ ကဲ… မှတ်ကရော…။ ဘယ်သူတွေများ အဲလောက်ခန့်ညားတဲ့နာမည်ကိုပေးနိုင်မှာတဲ့လဲ။ စာရေးဆရာမလေး က အဲဒါတွေကြောင့်နာမည်ကြီးတာနေမယ်။ စာဖတ်ပရိသတ်ကို စေတနာထားလိုက်တာကလည်း လွန်ရော..။ သူ့ပရိသတ်တွေစာဖတ်စရာမရှိမှာစိုးလို့တဲ့။ ထမင်းမစား ရေမသောက်ပဲ ရေးတာ တစ်လကို ဆယ့်ရှစ်အုပ်ထွက်တယ်ဆိုပဲ။ ဘယ်… ဟိုးရှေးခေတ်က ကောင်းလှပါတယ်ဆိုတဲ့ စာရေးဆရာတွေတောင် သူ့လောက်မရေးနိုင်ကြရှာဘူးလေ.. ။



`သမီး အဘဖုန်းဆက်မယ်လေကွယ်´



ဟင်.. ဟုတ်သားပဲ။ နောက်တစ်ခေါက်အတွေးထဲ မျောသွားလိုက်တာ ရှေ့ကအဘကိုတောင် မေ့သွားတယ် အဟိ။ ဒါနဲ့ပဲ ကမန်းကတမ်းပြန်ပြောလိုက်ရတယ်။



`အော်.. ဟုတ်ကဲ့ အဘ ဆက်ပါ ဆက်ပါ´



ရှေ့ကအဘကတော့ သူ့အပြောကိုတောင် မစောင့်တော့ဘူး။ ဖုန်းနံပါတ်တွေကို နှိပ်နေပြီ။ အဲ.. ဒီအဘပုံစံကြည့်ရ တာလည်း တစ်မျိုးပဲ။ မျက်နှာက ရယ်ဟဟနဲ့။ အကျီင်္အဖြူ.. ပုဆိုးအဖြူ ၀တ်ထားသေးတယ်။ လက်ထဲမှာကလည်း နဂါးခေါင်းပါတဲ့ တောင်ဝှေးကြီးနဲ့။ အင်း .. လွယ်အိတ်အစုတ်ကြီးလည်း ပါသေးတယ်ဟ။ ဖောင်းကားနေတာပဲ။ လွယ်အိတ်အပြင်ကို ထိုးထိုးထောင်ထောင်နဲ့ထွက်နေတာက ငှက်ပျောသီးတစ်လုံး။ အင်း … ဆန်းတော့ဆန်းတယ်။



`ဟဲလို…… ´



အဲ.. ဖုန်းခေါ်လို့ရပြီထင်တယ်။ နာရီမှတ်ထားလိုက်ဦးမှ။ အဘကတော့ ဒီဘက်တောင်လှည့်မကြည့်ဘူး။ သူ့ဇောနဲ့ သူ။ ထိုင်ဖို့ချထားတဲ့ ပလပ်စတစ်ခုံပေါ်မှာ အခန့်သား။ ဒူးချိတ်ပြီးတောင် ထိုင်လို့။ အဘစကားပြောတဲ့ဆီ အာရုံက ရောက်သွားတယ်။



`ဟဲလို.. ဟိမ၀န္တာကလား´

`………………………………´

`အေး … ဘိုးတော်ပွကို ခေါ်ပေးစမ်းပါ..´

`……………………………..´

`ဘာ… ကုလားမစည်းနင်းနေတယ်ဟုတ်လား…… ´

`…………………………….´

`အေး.. သူမအားရင်လည်း ရှိတဲ့ ၀ိဇ္ဇာရှစ်သောင်းထဲက တစ်ယောက်ယောက်ခေါ်ပေးကွာ´

`……………………………´

`အာ….. ဇော်ဂျီအသင်းနဲ့ ဘောပွဲရှိလို့သွားကြတယ်ဟုတ်လား နေတော့ကွာ.. နေတော့´



ဖုန်းခွက်ကို ခဏချပြီး ကျမဘက်လှည့်လာတယ်။ ပြီးတော့မှ လေသံအေးအေးနဲ့…..



`အိမ်း အထက်ကိုတော့ ဆက်လို့ပြီးသွားပြီ… အောက်ကိုဆက်လိုက်ဦးမယ် သမီးရယ် အဟဲ´



အဘကလည်း ရုပ်တည်နဲ့နောက်တတ်သားဟ။ အင်းလေ.. ထားပါတော့။ သူဖုန်းပြောတာကိုပဲ ထိုင်ပြီးစပ်စုနေ လိုက်ဦးမယ်။



`ဟယ်လို…. သမီးလား…..´

`…………………………….´

`အေး … အဘထ ပါ´

`…………………………..´

`အန်… ဘယ်က ရှူဆေးရမှာတုန်း…. နင်တို့ရဲ့ တိုး ပွား မ စ အဘထ လေ´

`……………………………´

`အေး ဟုတ်တယ်… ဒီတစ်ပါတ် ဘာကောင်းလဲဟုတ်လား´



ဟာ…. ဘာကောင်းလဲဆိုပါလား။ ကျမ ခေါင်းမတ်သွားတယ်။ ဒါဆို… ဒါဆို ဒီအဘက ဘိုးတော်ပေါ့။ ဟိဟိ ပွတာပဲ။ သူဖုန်းပြောတဲ့အထဲမှာ ဂဏန်းတွေပါလာနိုင်တယ်။ ဟိ အသာလေး နားထောင်ပြီး မှတ်သင့်တာတွေ မှတ်ထားမှ။



`အင်း အဘလည်း သမီးကိုအာရုံရလို့ ဖုန်းဆက်လိုက်တာပါ ပြောမှာပါဟ´

`……………………….´

`ဒဲ့ပြောရမယ်ဟုတ်စ…. အဲလိုတော့မရဘူးလေ… ဒဲ့ပြောရင် ရဲဖမ်းမှာပေါ့.. အဲလေ.. သွေးအန်မှာပေါ့ဟ´

`……………………….´

`အဘတို့က မြင်တာတော့ ကွင်းကွင်းကွက်ကွက်ကိုမြင်တာပဲလေ ဒါပေမယ့် မြင်တိုင်းပြောလို့မှ မရတာ ထိုးသားကလည်း ခုနစ်ရက်သားသမီး ဒိုင်ကလည်း ခုနစ်ရက်သားသမီးမဟုတ်လား…. အဘက ဘက်လိုက်သလိုဖြစ်နေမှာပေါ့ သမီးရဲ့´

ဟာ… အဘပြောတာမှန်လိုက်တာ..။ တော်တော်ကြည်ညိုဖို့ကောင်းတာပဲ။ ကျမစိတ်ထဲမှာတော့ အဘကို တအားကြည်ညိုသွားပြီ။ ဆက်ပြီးနားထောင်မှတ်သားနေလိုက်တယ်။



`အေး အခု သမီးကို အဘ အတိတ်ပေးမယ် လိုက်မှတ်ထားနော်… နောက်နေ့တွေလည်း အာရုံထပ်ရရင် ထပ်ပေးမယ်´

`………………….´

`အေး .. အတိတ်ကဒီလို…. ဆောင့်ကြောင့်ထိုင်တဲ့ ပုဂ္ဂိုလ်အထွတ် အောက်စအကုန်လွတ် တဲ့…. အဟေးဟေး´

`………………….´

`ဘာ…. မိုက်ရိုင်းတယ်….. ဟုတ်လား ဒီမယ်သမီး မသေမချင်းမတ်ထား…. အဲလေ… မသေမချင်းမှတ်ထား အဘတို့ပုဂ္ဂိုလ်တွေပြောရင် မိုက်ရိုင်းလေ သွေးထွက်အောင်မှန်လေပဲဟ … ဟို. မှော်ဘီက ဘရသဲ့ကြီးဆိုရင် ပရိသတ်ကို ကော့ပြတာတဲ့ဟ´

`………………..´

`ဟီး မဟုတ်ဘူးလေ… သူက ဂစ်တာတီးတဲ့လက်ကွက် ကောဒ့်တွေနဲ့ ဂဏန်းပေးတာ.. ဒါကိုပြောတာပါ…. အာရုံမြင်ပုံထူးဆန်းတယ်ပေါ့ သမီးရယ်…´

`…………………´

`ဘာ….. တွက်နည်းဟုတ်လား…. ဘာတွက်နည်းလဲ….. အဲဒါ ဦးနှောက်မရှိတဲ့သူတွေရဲ့အလုပ်… စဉ်းစားကြည့်လေ သူများနိုင်ငံမှာ စီးပွားရေးဈေးကစားတဲ့ စတော့ရှယ်ယာဂဏန်းကို ဒီကနေဘယ်လိုတွက်လို့ရမှာလဲ… အပိုတွေ….. အဘတို့ကမှ အမြင်အာရုံအကြားအာရုံလေ….. ´

`…………………´

`ဘာ… ဘယ်လောက်ထိမြင်လဲ… ဟုတ်လား…. ပြောပြရင်ဂေါပကတောင်မျက်ရည်ကျသွားမယ်… ဘရစ်တနီစပီးယားရဲ့ ချက်ကိုတောင်လှမ်းမြင်ရတယ်…. အင်းပေါ့…. အိမ်မှာစတိတ်ရှိူးခွေကြည့်တုန်းကလေ….´

`…………………´



မဟုတ်သေးပါဘူး။ အဘကလည်း ဘာတွေလျှောက်ပြောနေလဲမသိဘူး။ တောင်ရောက်မြောက်ရောက်တွေ။ အော်… သိပြီ…။ ဒါက အဘရဲ့ ဂဏန်းပေးပုံအတိတ်ဖြစ်မယ်။ သူတို့ပုဂ္ဂိုလ်တွေ ဂဏန်းပေးရင် အဲလိုပဲတဲ့။ ဒါဆို… ခုနက ချက်ဆိုတော့ နှစ်တလုံးပေးတာပေါ့။ အင်း …. အထာပေါက်ပြီ ဆက်နားထောင်ဦးမှ..။



`ကဲ.. အဘလည်း ပြန်မယ်သမီးရေ….. ဟိမ၀န္တပြန်ပြီး ချက်တင်ထိုင်ရဦးမှာ…. အဲ… တရားထိုင်ရဦးမှာ…. အာရုံထပ်ရရင်လည်း ဖုန်းထပ်ဆက်တာပေါ့ကွယ်….´

`…………………..´

`ဟိမ၀န္တာကိုလား ဘယ်လိုပြန်ရမှာလဲသမီးရဲ့ ၄၉စီးပြီးပြန်တာပေါ့…. အေး အေး… ဒါပဲသမီးရေ…´



ဖုန်းကိုချပြီးတော့ အဘက ကျမကို `ဘယ်လောက်ကျလဲ သမီး´ လို့မေးတယ်။ ကြည်ညိုစိတ်အရင်းခံနဲ့ပဲ `ဒါနပြုတာပါ အဘ´လို့ ပြောလိုက်တယ်။ ဟုတ်တယ်လေ။ ဒီလိုပုဂ္ဂိုလ်ထူးဆီက ပိုက်ဆံကိုယူရင် ကျမလောက်မိုက် ကန်းတဲ့သူလောကမှာ ဘယ်ရှိတော့မလဲ။



`သာဓု သာဓု သာဓု ပါသမီးရယ် ကဲ.. အဘသွားမယ်နော်..´



ပြောပြောဆိုဆိုပဲ အဘက လာရာလမ်းအတိုင်း `ဂေါက်ဖတ် ဂေါတ်ဖတ်´ နဲ့ထွက်သွားတော့တယ်။ ဂေါက်ဖတ် ဂေါက်ဖတ်ဖြစ်မှာပေါ့။ စီးထားတာက သားရေဖိနပ်တစ်ဖက် ခုံဖိနပ်တစ်ဖက်လေ….။ အော်… ပုဂ္ဂိုလ်ထူးတွေများ ဖြစ်သလိုနေကြတာ ဖိနပ်တောင် တစ်ဖက်စီဖြစ်ချင်ဖြစ်နေတတ်ကြတာပဲလို့။ မာန်မာနမရှိလိုက်တာလို့။

အင်း….. ဖုန်းဆက်မယ့်သူထပ်မလာခင် မနက်က၀တ္ထုလေး ပြန်ဖတ်ပြီး ဈာန်ဝင်စားလိုက်ဦးမှ။ ဖုန်းနားချထားတဲ့ ၀တ္ထုစာအုပ်လေးကို ကောက်ယူလိုက်တယ်။ အော်… ဖုန်းကြိုးက ပလပ်မတပ်ရသေးဘူးပဲ။ တပ်ထားဦးမှ။ အန်……. . ဒါ… ဒါဆို အဘက တစ်ယောက်တည်းဖုန်းပြောသွားတာပေါ့။ ဒါဆို… အဘက… အဲ… ဒီလူကြီးက ….. အရူးကြီးပေါ့။ ဟာ…. သေလိုက်ပါတော့။ ဒါ့ကြောင့် စကားတွေကလည်း တောင်ရောက်မြောက်ရောက် .. စီးတဲ့ဖိနပ်ကလည်း ဂေါက်ဖတ်။ သေလိုက်ပါတော့ မိဇာခြည်ရယ် …. အရူးကိုမှ အဟုတ်ကြီးထင်ပြီး ကြည်ညိုနေမိတဲ့အဖြစ်ကိုး…….။

အဲဒီ ကမောက်ကမအဖြစ်ကို တနေကုန်ပြန်တွေးမိတိုင်း ကျမမှာ မအီမသာနဲ့ ကိုယ့်ကိုယ်ကိုပဲ ကျိတ်ပြီး ဆဲနေ မိပါတော့တယ်..။ မှတ်သားလောက်ပါတယ် တိုး ပွား မ စ အဘထ ရယ်။

ဆယ်ခုမြောက်လေးရက်နေ့

ခိုင်ခိုင်မြဲမြဲတွဲမထားနိုင်တဲ့ ချစ်ခြင်းတွေပြိုကွဲတဲ့အခါမှာ စွဲလမ်းတွယ်ရစ်တဲ့သူကအရှုံးပဲ။ လူချင်းယှဉ်မကြည့်ရဲအောင် ရှုံးတယ်လို့ ဆိုလိုတာမဟုတ်ဘူး။ အဲဒီတွယ်မှီစွဲလမ်းမှုကို ပြန်တွေးတိုင်း ခံစားရတာကို အရှုံးလို့သတ်မှတ်တာပါ။

ရှုံးခဲ့တယ်……

ရှုံးခဲ့ဖူးတယ်….

ကိုယ့်ဖြစ်တည်မှုကိုကိုယ် အပြိုလဲခံပြီးတော့ကို ရှုံးနိမ့်ခဲ့ရတာပါ။ ပြီးခဲ့တဲ့ ၄ ရက်နေ့ မနက်အစောပိုင်း သုံးနာရီလောက်မှာ အနည်ထိုင်စပြုနေတဲ့ အတိတ်ဟာ စိတ်ထဲမှာပြန်ပြီး လှုပ်ခတ်လာခဲ့တယ်။

စက္ကူငှက်ရုပ်တွေ…… အပြန်အလှန်စာတိုပေစတွေ…. ကဗျာတွေ….. မိုးသည်းသည်းနေ့ရက်တွေ….

စိတ်ထဲမှာ တမြေ့မြေ့ကြေကွဲလာတယ်…. အရမ်းငိုချင်တယ်……

ပြီးတော့ အရမ်းကြိုက်တဲ့ ကဗျာလေးတစ်ပိုင်းတစ်စကို ငေးငေးရီရီရွတ်ရင်း တနင့်နင့်ခံစားရတယ်…

အထီးကျန်ဝေးကွာမှုသီချင်း

လေနဲ့အတူလေနေတဲ့စိတ်

ရင်ထဲဟာသွားတဲ့နေရာမှာ

ဘာမှ အစားထိုး၍မရ

ပန်းနီလေးပွင့်တာကအစ ငေးကြည့်

ငိုချင်တယ်…

အထီးကျန်…..။ ။

ကိုယ့်ကိုယ်ကိုတောင်ထိန်းချုပ်လို့မရခဲ့တဲ့ ပြင်းပြင်းထန်ထန်ခံစားမှုအောက်မှာ သူ့ဓါတ်ပုံလေးကို တစိမ့်စိမ့်ထိုင်ကြည့်နေရုံပဲ တတ်နိုင်ခဲ့တယ်။ မျက်ရည်တွေဝဲနေမိသလားမသိဘူး။ အဲဒီဓါတ်ပုံလေးကို Photo ထဲမှာသွားပြီး Upload လုပ်နေမိတယ်။ အပြိုပြိုအလဲလဲအမှတ်တရတွေကို သူငယ်ချင်းတွေဆီ မျှဝေရင်ဖွင့်ချင်မိတာလား။Title မှာလည်း ရင်ဘတ်အက်ကြောင်းထဲက စကားတွေကို ဖွင့်ထုတ်ရေးချနေခဲ့မိတယ်။

မျက်စိရှေ့မှာ အမြဲမြင်ချင်နေခဲ့တဲ့ မျက်လုံးဝိုင်းဝိုင်းလေး…. ဖူးအာအာနှုတ်ခမ်းလေး…… ဆက်ပြီးငေးကြည့်နိုင်ဖို့ဆိုတာ မဖြစ်နိုင်တော့ဘူး။ ဘယ်လိုမှ သည်းမခံနိုင်လောက်တဲ့ နှလုံးသည်းခြေပျက်ယွင်းမှုကို ကျော်လွှားဖို့ အင်အားမရှိတော့တဲ့အဆုံး အိပ်ရာပေါ်ကိုပဲ ခြေပစ်လက်ပစ်လှချလိုက်တယ်။

ခဏတာအိပ်စက်ခြင်းနဲ့အတူ ငါ့ရဲ့ဒဏ်ရာတွေပါ ထာဝရပျောက်ကွယ်ပါစေတော့…….

မနက်ပြန်ထဖို့အတွက် နာရီကိုကြည့်လိုက်တယ် …. အမှတ်မထင်ပါပဲ…

သုံးနာရီလေးဆယ်ခြောက်မိနစ်……. အင်္ဂါနေ့….. သုံးလပိုင်းလေးရက်…

….လေးရက်နေ့…… လေးရက်နေ့……

ဟာ…..ဘယ်လောက်အကျအရှုံးများတဲ့ တိုက်ဆိုင်မှုမျိုးလဲကွာ….. လေးရက်နေ့….

မိုးသည်းသည်းကြွေနေ့ရက်တွေထဲက ပျော်ခဲ့ဖူးတဲ့လေးရက်နေ့……

သူ့လက်ဖ၀ါးလေးပေါ် အချစ်တွေတရားဝင်အုပ်မိုးထားခွင့်ရခဲ့တဲ့ လေးရက်နေ့….

…အဲဒီလို မိုးရေတွေအောက်မှာပဲ သူ့ကျောပြင်လေးကို ကြေကြေကွဲကွဲရပ်ကြည့်နေခဲ့ရတဲ့ လေးရက်နေ့… မေလလေးရက်နေ့..

အမှတ်တရပေါင်းများစွာ…. ကြွေပျက်ထိရှခြင်းများစွာ…… ထည့်သိုလှောင်ပိတ်ခဲ့ရတဲ့ လေးရက်နေ့မှာမှ သူ့ကိုပြန်ပြီး သတိတွေရနေခဲ့တာတဲ့လား…… သူ့ပုံလေးကို ဝေသီမှုန်မှိုင်းစွာ ထိုင်ကြည့်နေခဲ့မိတာတဲ့လား…..အဲဒီလေးရက်နေ့ ဒဏ်ရာပြပွဲကို သူငယ်ချင်းတွေဆီ ရင်ဖွင့်မျှဝေနေခဲ့တာတဲ့လား…….

တွယ်ယှက်ခိုင်မြဲနေတဲ့ ရင်ခွင်နှစ်ခုပေါ်ကို မိုးကြိုးလျှပ်စီးတွေ ထက်ခြမ်းခွဲစိတ်ပစ်ခဲ့တာ ဆယ်လတင်းတင်းပြည့်တဲ့နေ့…

အရှုံးတွေ……. အမုန်းတွေ……. ခါးခါးသီးသီးလေးရက်နေ့တွေ….

နောက်ထပ်ဘယ်နှကြိမ် ခါးစည်းခံရဦးမလဲ……… မျက်ရည်စပေါင်းဘယ်လောက်များများကို ဆက်ပြီး ရင်းနှီးရဦးမှာလဲ….

ငါ… ပျော့ညံ့သွားတာလား…… ဒါမှမဟုတ် အရေထူသွားတာလား……

ဘာပဲဖြစ်ဖြစ် ငါဆက်ပြီး ရင်ကွဲခံဦးမယ်……. ငါ့ဒဏ်ရာတွေကို ငါပြန်ကြည့်ဦးမယ်…..

ဓါတ်ပုံအယ်လ်ဘမ်လေးကို ပြန်ယူလိုက်တယ်…. တပုံချင်းပြန်ရှာတယ်…..

ဟုတ်တယ်….. ဒါ… ငါမြင်နေကျ နှုတ်ခမ်းဖူးဖူးလေး…… ငါ အမြတ်တနိုးထားတဲ့ မျက်လုံးပြူးပြူးလေး…..

မနက်ဖြန်ဘာလုပ်ရမလဲ မသိသေးဘူး……….

အဲဒီရဲ့ နောက်ရက်တွေကျရင် ငါဘာဖြစ်နေမလဲငါမသိဘူး……. မတွေးချင်တော့ဘူး……

ခုချိန်မှာတော့……. အဲဒီဓါတ်ပုံလေးနားမှာ ငါဆက်ရှိနေမယ်….

ငါ……… အကြေကွဲခံမယ်…. ငါ့ဒဏ်ရာကို ငါကိုယ်တိုင်ပြန်ပြီး တူးဖော်မယ်……

နောက်ထပ်တစ်နာရီ….. ဒါမှမဟုတ်… နှစ်နာရီ….. သုံးနာရီ….

ပူအိုက်လောင်မြိုက်နေတဲ့ အခန်းထဲမှာ … နာရီသံက တစ်ချက်ချက်မြည်နေတယ်……

တုန်ယင်နေတဲ့လက်ဖ၀ါးပေါ်မှာ ဓါတ်ပုံလေးတစ်ပုံရှိတယ်….. အဲဒီဓါတ်ပုံပေါ်ကိုထိုးကျနေတဲ့ ကြေကြေကွဲကွဲမျက်လုံးထဲက အလင်းပြန်ခြင်းတွေရှိတယ်….. မျက်နှာအနေအထားကို ခန့်မှန်းလို့မရတဲ့ အမှောင်ထဲကလူငယ်တစ်ယောက်ရှိတယ်….

ငိုချင်လည်း ငိုနေလိမ့်မယ်….

အဲဒီတစ်လျှောက်လုံးမှာလည်း နာရီလက်တံက တစ်ချက်ချက်နဲ့ ခြောက်ခြောက်ခြားခြားရွေ့လျားနေလိမ့်မယ်….

ရုပ်ရှင်ပြကွက်မဟုတ်တဲ့ အပြင်လောကထဲက ဆက်တင်တစ်ကွက်….

မနက်လေးနာရီ ဆယ့်ခြောက်မိနစ်… အင်္ဂါနေ့ …. မတ်လ ၄ ရက်နေ့…….

မကြာခင်ရောက်လာတော့မယ့် အရုဏ်ဦးအလင်းပွင့်တွေကို ခုခံဖီဆန်နေတဲ့ စုန်းနစ်မှောင်မဲမှုတွေအောက်မှာ … နာရီသံကတစ်ချက်ချက်ရွေ့လျား…… ပြီးခဲ့တဲ့…. ပြီးခဲ့သမျှတွေကို ၀ါးမြိုနေခဲ့တယ်………..။

မြီးကောင်ပေါက်လေးအကြောင်း

ကြိုက်နှစ်သက်မိတဲ့ ကဗျာတွေထဲကမှ ဒီတစ်ခါ ကဗျာဆရာမ Carolyn Cahalan ရဲ့ Sixteen ဆိုတဲ့ ကဗျာလေးကို ပြန်ပြီး တင်ပြပါမယ်။ ပြီးရင် ကျနော့်ရဲ့ ဒီကဗျာအပေါ်ထင်မြင်ချက်နဲ့ ကဗျာအကြောင်းကို ကျနော်ချဉ်းကပ်မိတဲ့အတိုင်း ရေးပြသွားပါ့မယ်။ ခုလောလောဆယ် ကဗျာလေးကိုအရင်ဖတ်ကြည့်ရအောင်ပါ။

SIXTEEN

Sees and laughs,

Listens and sighs,

Sleeps and eats,

Aches and cries,

Babbles and thinks,

Loves and hates,

Stretchs ,lives

And hopefully waits.

ဒီကဗျာမှာ ကဗျာဆရာမ Carolyn Cahalan က ဆယ့်ခြောက်နှစ်အရွယ် မြီးကောင်ပေါက်လေးရဲ့ အကြောင်းကို ဖော်ပြရေးသားထားပါတယ်။ သရုပ်ဖော်အရေးအသားဖြစ်တဲ့ Descriptive Poem တစ်ပုဒ်ဖြစ်ပါတယ်။ ပိုင်းခြားလေ့လာနိုင်စွမ်း ကောင်းတဲ့ ဒီကဗျာဆရာမဟာ ဆယ့်ခြောက်နှစ်အရွယ် အပျိုပေါက်လေး (ဒါမှမဟုတ်) လူပျိုပေါက်လေးရဲ့ စရိုက်လက္ခဏာကို ဖော်ထုတ်ပြီးရေးပြတာပါ။ ကဗျာတစ်ပုဒ်လုံးကို ၀ါကျတစ်ကြောင်းတည်း ရေးထားတာကတော့ ဒီကဗျာရဲ့ ထူးခြားမှုတစ်ရပ် ဖြစ်ပါတယ်။ တိုတောင်းရိုးရှင်းပေမယ့် အဓိပ္ပါယ်ပြည့်ဝတဲ့ Sixteen ကို ကျနော်နဲ့အတူ ခံစားစီးမျောကြရအောင်။

သူ( ဆယ့်ခြောက်နှစ်သား)ဟာ အရာရာကို သာယာကြည်စင်တဲ့အမြင်နဲ့ကြည့်တယ်။ အကောင်းမြင်တတ်တဲ့မျက်လုံးနဲ့ ကျေနပ်ရောင့်ရဲစွာကြည့်တယ်။ ပျော်ရွှင်စရာရှိတဲ့အခါ ဟန်ဆောင်ပန်ဆောင် အမူအယာ မလုပ်ပဲ လှိုက်လှဲဟက်ပက်စွာ ရယ်မောမယ်။ အသံဗလံမျိုးစုံကိုသူလက်ခံနားထောင်လိမ့်မယ်။ခေတ်ပေါ်သီချင်းတစ်ပုဒ်ဖြစ်စေ၊ သူများတွေပြောတဲ့ စကားကိုဖြစ်စေ၊ မိဘဆရာတွေရဲ့ စကားကိုဖြစ်စေ… တခုခုကိုပေါ့။ ဘာကိုပဲဖြစ်ဖြစ်.. သူရိုးသားစွာ နားထောင်ပါလိမ့်မယ်။ တခါတလေ အခန့်မသင့်တဲ့ အဖြစ်အပျက်တွေကြားထဲ ရောက်နေတဲ့အခါ၊ လေးလံမောပန်းတဲ့အတွေး တွေရဲ့ ဖိနှိပ်ခြင်းကိုခံရတဲ့အခါ သူသက်ပြင်းမောတစ်ခုချမယ်။ အိပ်စက်ခြင်းနဲ့ အစားအသောက်ဆိုတာ သူနှစ်သက်တဲ့အရာ တွေဖြစ်တယ်။ ရုပ်ပိုင်းဆိုင်ရာဖျားနာခြင်းသာမက စိတ်ပို်င်းဆိုင်ရာကပေးတဲ့ နှလုံးသားပြဿနာဟာလည်း တခါတရံမှာ သူ့ကို နာကျင်ကြေကွဲစေလိမ့်မယ်။ ဒါဟာ မြီးကောင်ပေါက်လေးရဲ့ မရင့်ကျက်နိုင်သေးသော ထိရှလွယ်မှုကြောင့်ဖြစ်တယ်။ အဲဒီအခါမှာ သူအတုယူလေးစားရတဲ့သူတွေကအစ သူ့ရဲ့မိဘတွေအဆုံး အားလုံးက ငါ့ကိုချစ်ကြတာမဟုတ်ဘူးလို့ သူဝမ်းနည်းစွာတွေးနေတတ်တယ်။ သူဟာ လူသူပရိသတ်အလယ်မှာ၊ သူ့အပေါင်းအသင်းတွေကြားမှာ ဂရုစိုက်ခံရတဲ့သူ၊ ထင်ပေါ်ကျော်ကြားချင်သူတစ်ယောက်လည်း ဖြစ်နေပြန်တယ်။ တကယ်တော့သူဟာ ငိုလွယ်ရယ်လွယ်သော အရွယ်ရောက်စ ကလေးတစ်ယောက်သာ ဖြစ်တယ်။ တခါတရံမှာ အကျိုးတစုံတရာမရှိတဲ့စကားတွေကို တတွတ်တွတ်ရွတ်ဆိုချင်ဆိုမယ်။ လေးနက်မှုမရှိတဲ့အတွေးတွေကို တောင်စဉ်ရေမရလျှောက်တွေးချင်တွေးနေမယ်။ အဲဒီအတွေးတွေကပဲ အရမ်းကိုကြီးကျယ် ခမ်းနားတဲ့ စိတ်ကူးတွေဖြစ်တယ်လို့ သူကတော့ယုံကြည်တယ်။ သူငယ်ချင်းမိဘတွေကို ပြင်းထန်နက်ရှိုင်းစွာချစ်သလောက် ကြွားဝါမြည်တွန်သူတွေကို မုန်းတီးတယ်။ တချိန်မှာ ငါဘာဖြစ်ရမယ်ဆိုပြီး သူစိတ်ကူးယဉ်တယ်။ သူဟာ မျှော်လင့်ချက်တွေကို ၀င်သက်နဲ့အတူရှူသွင်းပြီး နေထိုင်ကြီးပြင်းလာလိမ့်မယ်။ တကယ်တော့ အဲဒီဆယ့်ခြောက်နှစ်အရွယ် လူသားလေးဟာ သူ့ရဲ့အမူအကျင့်တွေကိုတလှည့်စီပြုမူရင်း `တစ်နေ့နေ့မှာ´ ဆိုတဲ့ မျှော်လင့်ချက်ကို စောင့်စားနေတာပဲဖြစ်ပါတော့တယ်။