တစ်နေ့သ၌ဟု စာရေးဆရာများသုံးစွဲလေ့ရှိသော တစ်နေ့သ၌တစ်ခု၏ နံနက်ခင်းတွင် နာမည်ကျော် စုံထောက်ကြီး ဆားပုလင်းပိုးကောင် အိပ်ရာမှနိုးထလာခြင်းကစသော အဖြစ်အပျက်များကို အခြေပြု၍ ယခု တင်ပြလတ္တံ့သော ဗမာ့ရာဇ၀တ်မှုသမိုင်းတွင် မကြုံစဖူးကြီးကျယ်ဂရက်ရိုက်ခဲ့သည့် ဤကိုယ်ကျိုးနည်း တက်တက်ပြောင်အမှုဆန်းကြီးအကြောင်း စတင်ဖော်ပြရပေမည်။
အထက်ပါ တစ်နေ့သ၌တစ်ခု၏ နံနက်ခင်းတွင် နာမည်ကျော်စုံထောက်ကြီး ဆားပုလင်းပိုးကောင် အိပ်ယာမှ မှုံတိမှုံမွှားယောင်ဝါးဝါးနှင့် နိုးထလာခဲ့လေသည်။ “ဆားပုလင်းပိုးကောင်နှင့် ငတက်ပြားစိုးမိုးအမှု” ၊ “ဆားပုလင်းပိုးကောင်နှင့် ဒတ်ကလော့လူသတ်သမားအမှု” ဟူ၍ပင် အထူးအရေးပေး မှတ်တမ်းတင်ထားရသော အမှုအခင်းအကြီးစားများကို ကံအားလျော်စွာဖော်ထုတ်ပေးနိုင်ခဲ့သည့် ဆားပုလင်းပိုးကောင်အား ပုလိပ်မင်းကြီး လူလိန်မှ ဂုဏ်ပြုမည့် ကော်ဖီပါတီပွဲရှိရာ ဦးညိုကြီးကာကာဆိုင်သို့သွားရောက်ရန် အိုင်ပီပင်ဂွင်းနှင့် ယနေ့နံနက် ချိန်းဆိုထားမိကြောင်း နိုးလျှင်နိုးချင်းပင် ဆားပုလင်းပိုးကောင် သတိရလေ၏။ ထို့ကြောင့်ပင် ဧည့်ခံပွဲတက်ရောက် ရန် ပြင်ဆင်ဖြီးလိမ်းရဦးမည့်အရေးကိုတွေးကာ အိပ်ယာမှ အလူးအလဲပြူးပြဲပြီး ထလာခဲ့လေသည်။ မနေ့ညက စွပ်ကျယ်လက်ပြတ်လေးဝတ်ပြီး အိပ်ယာဝင်ခဲ့မိခြင်းကြောင့်လားတော့မသိ။ အိပ်ယာမှ နိုးနိုးချင်းပင် ခန္ဓာကိုယ်မှ အေးစိမ့်သောအရသာတမျိုး ခံစားနေရကြောင်းကို (စုံထောက်ပီပီ) ဆားပုလင်းပိုးကောင် သတိပြုမိလေသည်။
“ဆားပုလင်းထိပ်ခေါင် မောင်ပိုးကောင် နှစ်လုံးထီထိုးရင်းပုဆိုးပေါင် ဒါ့ ဒါ ဒိ ဒီ ဒေါင်”
သီချင်းလေးတအေးအေးရွတ်ဆိုကာ မျက်နှာသစ်၊ သွားတိုက်ရန်အလို့ငှာ ရေချိုးခန်းအတွင်းသို့ ၀င်လာ ခဲ့လေသည်။ သူဖော်ထုတ်ပေးနိုင်ခဲ့သော ယခင်အမှုများအတွက် ပုလိပ်မင်းကြီးလူလိန်ကသူ့ကိုပါးလျက်နားလျက် ချီးကျူးရဦးမည့်အရေးကို မျက်လုံးမှိတ်ကာတွေးရင်း စိမ်ပြေနပြေသွားတိုက်နေမိလေ၏။ တဆက်တည်းမှာပင် သွားတိုက်ပြီးပြီးချင်း ရေပါချိုးလိုက်လျှင်ကောင်းလိမ့်မည်ဟု စိတ်အကြံရသဖြင့် အကျီင်္ချွတ်ရန်အတွက် လက်နှစ် ဖက်ဖြင့် စွပ်ကျယ်အကျီင်္ကို ဆွဲမလိုက်လေ၏။
“ဟင်… အလို… အို…” ဟူ၍သာ အံ့အားတသင့် မြည်တမ်းမိလေတော့သည်။ အကြောင်းမှာ မနေ့ညက ၀တ်အိပ်ခဲ့သော အကျီင်္မရှိတော့ချေ။ ဆားပုလင်းပိုးကောင် အလွန်ပင်ထိတ်လန့်ုသွားပြီး ကမန်းကတမ်း အောက်ငုံ့ ကြည့်သောအခါတွင် အလွန်တရာ ထိတ်လန့်အံ့သြဖွယ်ကောင်းသော အချင်းအရာကိုမြင်လိုက်ရလေသည်။ အဘယ်ကြောင့်ဆိုသော် မနေ့ညက သူဝတ်ဆင်အိပ်စက်ခဲ့သော စွပ်ကျယ်အကျီင်္နှင့် ရေလဲပုဆိုးပိုင်းတို့မှာ သူ၏ ကိုယ်ပေါ်၌ မရှိတော့ချေ။ ၄င်းတို့အစား သစ်ရွက်များဖုံးလွှမ်းအပ်သော မလုံ့တလုံလံကွတ်တီနှင့် ပိန်ချပ်ပြားကပ် ကာ ယခုခေတ်မော်ဒယ်လ်မိန်းကလေးများ အတုယူစရာကောင်းလှသည့် ဆားပုလင်းပိုးကောင်၏ ဗိုက်ပူနံကား လေးပေါ်တွင် ထင်ရှားစွာပေါ်နေသော စာကြောင်းများကိုသာ မြင်တွေ့လိုက်ရလေတော့သည်။
“ကိုင်း… ဘယ့်နှယ့်ရှိစ စုံထောက်ရှော်ကြီး မောင်ပိုးကောင်
သင်၏ အကျီင်္အ၀တ်အစားတို့အားချွတ်ယူပြီး အရှက်ရစေသော
ကျွန်ုပ်ကို အဘယ်သူဖြစ်ချိမ့်မည်ဟု အသင့်
ပိစိညှောက်တောက် ဖြုတ်ဦးနှောက်ဖြင့် တွေးတောဆင်ခြင်မိပါသနည်း ငှီးငှီး”
အလွန်တရာမှပင် သွေးပျက်ခြောက်ခြားအရှက်ရစရာတစ်ခုကို ခံစားလိုက်ရသူတို့၏ ထုံးစံအတိုင်း ဘာကိုမှ တွေးတောဆင်ခြင်နိုင်စွမ်းမရှိတော့ပဲ အာရုံကင်းလွတ်စွာဖြင့် အိမ်ရှေ့သို့သာ လံကွတ်တီစွပ်ရက်သား သွေးရူးသွေးတမ်း ပြေးထွက်လာမိလေသည်။ ထိုအခါကျမှပင် ထို့ထက်ပို၍ အံ့သြစရာကောင်းသောမြင်ကွင်းကို ဆားပုလင်းပိုးကောင်တစ်ယောက် ပါးစပ်အဟောင်းသားဖြစ်သွားရလောက်သည်အထိ မြင်တွေ့ရလေတော့၏။ သူ့ အိမ်ဝင်းအတွင်းသို့ သူ့လိုပင် ကမူးရှူးထိုးပြေးဝင်လာသော အိုင်အိုဒင်းလုလင်။ သူ့လိုပင် လံကွတ်တီနှင့်၊ ဗိုက်မှာ စာတန်းကလေးနှင့်။
“ကိုင်း… ဘယ့်နှယ့်ရှိစ အိုင်အိုဖျင်းလုလင်
သင်၏ အကျီင်္အ၀တ်အစားတို့အားချွတ်ယူပြီး အရှက်ရစေသော
ကျွန်ုပ်ကို အဘယ်သူဖြစ်ချိမ့်မည်ဟု အသင့်
ပိစိညှောက်တောက် ဖြုတ်ဦးနှောက်ဖြင့် တွေးတောဆင်ခြင်မိပါသနည်း ငှီးငှီး”
အိုင်အိုဒင်းလုလင်၏ ဗိုက်မှစာကြောင်းမှာလည်း သူ၏ဗိုက်မှစာကြောင်းနှင့် ထပ်တူထပ်မျှနီးပါးပင် ဖြစ် ကြောင်းတွေ့ရှိရလေ၏။ ယခုကဲ့သို့ နိုင်ငံကျော်စုံထောက်ကြီးနှစ်ဦး၏ အ၀တ်အစားများကိုချွတ်ယူရုံမျှမက ၀မ်းဗိုက်တွင်ပါ မထီလေးစားဆန်သောစာမျိုးကို ရေးဝံ့သည်မှာ တော်ရုံသတ္တိကောင်းရုံမျှဖြင့်တော့ မဟုတ်နိုင်ချေ။ ဆားပုလင်းပိုးကောင်နှင့် အိုင်အိုဒင်းလုလင်တို့ တစ်ယောက်ကိုတစ်ယောက် ယူကျုံးမရစွာ ကြည့်ရှုငေးမောနေမိ ကြစဉ်မှာပင် သူတို့၏အထက်အရာရှိဖြစ်သူ အိုင်ပီပင်ဂွင်း ရောက်ရှိလာလေသည်။ နိုင်ငံကျော်စုံထောက်ကြီးနှစ်ဦး ၏ ထူးဆန်းထွေလာရယ်စရာအဖြစ်ကို မျက်ဝါးထင်ထင်မြင်လိုက်ရသော အိုင်ပီပင်ဂွင်းမှာလည်း ၄င်းတို့နှစ်ဦး ထက် မပိုသည့်တိုင်အောင် ၄င်းတို့ထက်မလျော့သော အံ့သြခြင်းမျိုးဖြင့် ပါးစပ်အဟောင်းသား ငေးမောကြည့်ရှုနေ မိလေသည်။
“ဟား…. ကိုယ့်ဆရာတို့ ပါတီတက်မယ့် ၀တ်စုံတွေက အထူးအော်ဒါလားဗျ ဟီးဟီး”
အသံနှင့်အတူ ထပ်မံရောက်ရှိလာသူကား ပြာတာဝါ၀ါပင်ဖြစ်လေသည်။ ဆားပုလင်းပိုးကောင်လည်း ရှက်ရမ်းရမ်းကာ ဒေါသတကြီးပြန်လည်အော်ဟစ်လေ၏။
“နေစမ်းပါကွာ ဒီမှာအရှက်တကွဲအကျိုးနည်းမယ့်ကိစ္စကြီး ကြုံနေရတဲ့ကြားထဲ မင်းကတမှောင့်၊ ကဲ… မင်းကကော ဘာလာလုပ်တာတုန်း”
“ပုလိပ်မင်းကြီးလူလိန် လွှတ်လိုက်တာဗျ ဟိုကဗျစ်တောက်ဗျစ်တောက်လုပ်နေပြီ၊ သူ့လို အထက်အရာ ရှိကြီးက ပေးအပ်တဲ့ဂုဏ်ပြုပွဲပါတီကိုတက်ရောက်ဖို့တောင် လူကလေးပိုးကောင်က ဘာကိစ္စနောကျနေရသလဲတဲ့ ဒါဟာ သူ့ကို မခန့်လေးစားလုပ်တဲ့ အပြုအမူဆိုရင်တော့ ဂုဏ်ပြုပွဲကနေ နအုံထုပွဲအစီအစဉ်ကို ပြောင်းသင့်ရင် ပြောင်းရလိမ့်မယ်လို့ မှာလိုက်တယ် အဲဒါလာပြောတာဗျ”
ထိုအခါကျမှပင် ဆားပုလင်းပိုးကောင်နှင့် အိုင်အိုဒင်းလုလင်တို့လည်း ၄င်းတို့နှစ်ဦး၏ အရှက်တကွဲ အကျိုးနည်းရသော ကိစ္စအလုံးစုံကို ပုလိပ်မင်းကြီးလူလိန်အား ပြန်လည်၍ “ဖွ” ခြင်း မပြုပါမည့်အကြောင်း အိုင်ပီ ပင်ဂွင်းနှင့် ပြာတာဝါ၀ါတို့အား အနူးအညွတ်ရှိခိုးဦးတင် တောင်းပန်ကြပြီးလျှင် ဂုဏ်ပြုပွဲကျင်းပမည့် ဦးညိုကြီး ကာကာဆိုင်သို့ အ၀တ်အစားများလဲလှယ်ကြပြီး သုတ်သီးသုတ်ပြာ ထွက်ခွာလာကြလေသည်။
အထက်ပါကိစ္စများ ဖြစ်ပွားပြီးနောက်တစ်ပတ်ခန့်အကြာတွင် CYG ရုံးခန်းအတွင်း၌ အိုင်ပီပင်ဂွင်း၊ အိုင်ပီ ပိုင်းရိတ်၊ ရာဇ၀တ်အုပ်ဝိုင်၊ အိုင်အိုဒင်းလုလင်နှင့် ဆားပုလင်းပိုးကောင်ဟူသော စုံထောက်ရှော်ကြီးများသည် အထက်အရာရှိမရှိခင် အတင်းချတတ်သော လက်အောက်ငယ်သားတို့၏ထုံးစံအတိုင်း မင်းကြီးလူလိန်မကောင်း ကြောင်း ရောက်တတ်ရာရာ အတင်းအဖျင်းပေါင်းစုံကို မင်းကြီးလူလိန် ရုံး၌မရှိခိုက် မြိန်ရည်ရှက်ရည် ပြောဆိုနေကြလေ၏။
အိုင်ပီပင်ဂွင်းက “ အိုင်ပီတို့ကြားဖူးရဲ့လား ကျုပ်တို့ရဲ့မင်းကြီးလူလိန်ဟာ CYG ကိုမရောက်ခင် အင်္ဂလန်မှာတုန်းက စတန်းဖိုဒ့်တံတားနားမှာ ဆိုက်ကားနင်းစားခဲ့တာဆိုပဲ” ဟု ပြောလေရာ ရာဇ၀တ်အုပ်ဝိုင်က “အာ… အိုင်ပီကလည်း ကောလဟာလတွေပြောနေပြန်ပြီ၊ တကယ်တော့ မင်းကြီးလူလိန်က ဆိုက်ကားနင်းစားခဲ့ တာမဟုတ်ဘူးဗျ၊ လန်ဒန်က ဆင်ခြေဖုံးရပ်ကွက်တစ်ခုမှာ လိန်ဒေါ်နယ်လ်ဆိုတဲ့နာမည်နဲ့ မြေပဲပြုတ်ရောင်းခဲ့တာ၊ အဲဒါကို မက်ဒေါ်နယ်လ်ကုမ္ပဏီကသိသွားတော့ သူတို့ဟမ်ဘာဂါရောင်းတဲ့နာမည်ကို ဆင်တူရိုးမှားယူထားပါ တယ်လို့ တရားစွဲတော့မှ ကြောက်လန့်ပြီး ဗမာပြည်ကို ပြေးလာတာဗျ” ဟု ပြန်လည်ပြောဆိုလေ၏။
ထိုအခါ အိုင်ပီပိုင်းရိတ်ကလည်း အားကျမခံ “ အိုင်ပီတို့ကလည်းပြောရော့မယ် တကယ်တော့ မင်းကြီး လူလိန်က မြေပဲပြုတ်ရောင်းခဲ့တာလည်းမဟုတ်ဘူး၊ ဆိုက်ကားနင်းခဲ့တာလည်း မဟုတ်ဘူး၊ သူတကယ်လုပ်ခဲ့တာ က ကင်းဗရစ်ခ်ျတက္ကသိုလ်ဝင်းထဲမှာလည်ပြီး ကွမ်းယာရောင်းခဲ့တာဗျ” ဟု ဟုတ်သည်မဟုတ်သည်အပထား၍ တစ်ယောက်တစ်ပေါက် ပြောဆိုလျက်ရှိကြလေ၏။ စုံထောက်ကျော်ကြီး ဆားပုလင်းပိုးကောင်မှာမူကား တစုံတ ရာကို အလေးအနက်စဉ်းစားနေဘိသကဲ့သို့ မျက်လုံးအစုံကိုမှိတ်ကာ ပါးစပ်မှလည်း သွားရည်တတောက်တောက် ကျလျက် နှစ်နှစ်ခြိုက်ခြိုက်ကြီး အိပ်မောကျလျက်ရှိနေလေသည်။ ထိုအချင်းအရာကို မြင်သော အိုင်အိုဒင်းလုလင် က “ အင်း …. ကျုပ်တို့ကသာ တောင်စဉ်ရေမရလျှောက်ပြောနေတာ ဆားပုလင်းပိုးကောင်ကတော့ တကယ်ကို အေးဆေးလှချည်လားဗျဟင်” ဟု ပြောဆိုလိုက်လေ၏။
ထိုအခိုက်မှာပင် “ဒီလိုမဟုတ်ဘူး အိုင်ပီရဲ့ ဟိုလိုကျတော့လည်း မဟုတ်သေးဘူး” ဟူ၍ ဆားပုလင်း ပိုးကောင်ဆီမှ အသံထွက်လာလေသည်။ အိုင်ပီပိုင်းရိတ်တို့အဖွဲ့လည်း ရုတ်တရက်လန့်ဖျတ်သွားပြီး ဆားပုလင်း ပိုးကောင်အား လှမ်းကြည့်မိသောအခါတွင်မှ ဆားပုလင်းပိုးကောင်မှာ သူတို့အား စကားပြန်လည်ပြောဆိုခြင်း မဟုတ်ပဲ အိပ်ပျော်နေရင်းမှ ထ၍ယောင်ခြင်းဖြစ်သည်ကို တွေ့ရှိကြရလေသည်။ ထိုအခါမှပင် အိုင်ပီပင်ဂွင်းတို့ လည်း ဆားပုလင်းပိုးကောင်၏ အဖြစ်ကိုကြည့်၍ ရယ်မောလှောင်ပြောင်ကြလေတော့၏။ ထိုသို့အသံဆူဆူညံညံ အသံများကြားသောအခိုက်မှာပင် ဆားပုလင်းပိုးကောင်လည်း အိပ်နေရာမှ ၀ူးဝူးဝါးဝါးအသံပြုကာ ပြန်လည်နိုးထ လာလေတော့၏။ အိုင်ပီပင်ဂွင်းကလည်း “အိုင်ဆေးကိုပိုးကောင် ယူလှချည်လားဗျ၊ ဘယ်လောက်တိုးနဲ့တုန်း ဟဲ ဟဲ.. ဒါနဲ့ ကျွန်တော်တို့တတွေ မင်းကြီးလူလိန် CYG မရောက်ခင် အင်္ဂလန်မှာတုန်းက ဘာတွေလုပ်ခဲ့တယ်ဆိုတဲ့ အကြောင်းကို ပြောနေကြတာဗျ၊ အဲဒါဟုတ်မဟုတ် ကိုပိုးကောင်က ပြောပါဦး၊ အိုင်ဆေးကိုပိုးကောင်က ကျွန်တော်တို့ထက်စာရင် ပိုပြီးစပ်စပ်စုစုရှိ…. အဲ.. ပိုပြီးအကြားအမြင်ဗဟုသုတရှိတယ်မဟုတ်လား” ဟူ၍ ဆားပုလင်းပိုးကောင်အား မြှောက်ပင့်သလိုလိုပြောပြီး အချွန်နှင့်မလေတော့သည်။
ထိုအခါကျမှပင် ဆားပုလင်းပိုးကောင်လည်း သူ၏ပါးစပ်မှ စီးကျနေသော သွားရည်များကို လက်ခုံဖြင့် ပွတ်၍ တ၀ါးဝါးသမ်းလိုက်လေသည်။ ထို့နောက် တစုံတရာအားပိုင်ပိုင်နိုင်နိုင်သိရှိနေသော သူတို့၏ထုံးစံအတိုင်း ဘာမှမပြောသေးဘဲ အားလုံးကိုဝေ့ကြည့်၍ သူသောက်နေကျ ရွှေဒူးယားစီးကရက်ကို မီးညှိဖွာရှိုက်နေလေသည်။ ဆားပုလင်းပိုးကောင်နှင့် ခေတ်ပြိုင်စုံထောက်တစ်ဦးဖြစ်သော အိုင်အိုဒင်းလုလင်မှာလည်း ဆားပုလင်းပိုးကောင် အိုက်တင်ခံနေပုံကိုကြည့်၍ “ တောက်.. ဒီဘဲက ပဲကိုများတယ်၊ သူ့ကိုအားကိုးမှန်းသိတာနဲ့ ရူပါကျွေးတော့တာပဲ၊ ပြောစရာရှိတာ မြန်မြန်မပြောဘူး ဟိုကြည့်ဒီကြည့်လုပ်နေတာ ထဘီသူခိုးကျနေတာပဲ” ဟူ၍ စိတ်ထဲမှကြိတ်၍ ဆားပုလင်းပိုးကောင်အား ကျိန်ဆဲလျက်ရှိနေလေသည်။
ရွှေဒူးယားစီးကရက်ကို တစ်ချက်မျှခပ်ပြင်းပြင်းဖွာရှိုက်လိုက်ပြီးနောက် ဆားပုလင်းပိုးကောင်က
“ တကယ်တော့ မင်းကြီးလူလိန်ဟာ အင်္ဂလန်မှာကတည်းက စစ်မှုထမ်းတစ်ယောက်ပဲ၊ စစ်ပွဲတစ်ခုမှာ သူတို့ရဲ့ရန်သူတပ်က သူတို့တပ်တစ်တပ်လုံးကို အပြတ်ချေမှုန်းခဲ့တာ၊ အဲဒီမှာ မင်းကြီးလူလိန်က ကံကောင်းချင် တော့ ရန်သူတပ်သားတွေက သူ့ကိုမြင်မသွားဘူး၊ တစ်တပ်လုံးမှာ သူတစ်ယောက်တည်းပဲ ကျန်ခဲ့တာ၊ ရန်သူ တပ်တွေကတော့ အားလုံးသေပြီထင်ပြီးပြန်ဆုတ်ခွာသွားကြတယ်။ မင်းကြီးလူလိန်လည်း ဘာလုပ်ရမှန်းမသိပဲ ကယောင်ကတန်းနဲ့ စစ်မြေပြင်မှာ ပြန့်ကျဲနေတဲ့ သေနတ်တွေကို လိုက်ကောက်နေမိတာ၊ အဲဒီအချိန်မှာ သူတို့ရဲ့ ဂျင်နရယ်လ်က ရောက်လာပါလေရော” ဟု ပြောပြီး စကားစကိုခဏဖြတ်ထားလိုက်လေသည်။
အိုင်ပီပင်ဂွင်းတို့လူစုမှာလည်း တခါမှမကြားဖူးသော အကြောင်းအရာကို နားထောင်ရသည်ကြရသည် ဖြစ်၍ ဆားပုလင်းပိုးကောင်အား ဆက်လက်၍ ပြောပါရန်တောင်းပန်ကြလေသည်။
“ဂျင်နရယ်လ်ရောက်လာတဲ့အချိန်မှာ မင်းကြီးလူလိန်က ပုခုံးမှာလည်း သေနတ်တွေလွယ်လို့၊ ရန်သူ တပ်သားတွေလည်း တစ်ယောက်မှမမြင်ရတော့ဘူး၊ အဲဒီမှာ ဂျင်နရယ်လ်က မင်းကြီးလူလိန်ကို အထင်ကြီးသွား တော့တာပဲ၊ ဂျင်နရယ်လ်က မင်းကြီးလူလိန်ဟာ တစ်ယောက်တည်းကျန်ပေမယ့် မကြောက်မရွံ့ပဲ ရန်သူတွေကို ပြန်လှန်တိုက်ထုတ်ခဲ့တယ် လို့ထင်သွားတာပေါ့၊ အင်္ဂလန်လည်းပြန်ရောက်ရော မင်းကြီးလူလိန်ကို သာမာန် ရဲဘော်လေးဘ၀ကနေ ချက်ခြင်းရာထူးတိုးပြီး အရာရှိခန့်လိုက်တော့တာပဲ” ဟု ဆားပုလင်းပိုးကောင်က ဆက်၍ ပြောပြလေသည်။
ထိုအခါ အိုင်အိုဒင်းလုလင်က “အော်… ဒါဆို မင်းကြီးလူလိန်က အဲဒီရာထူးနဲ့ ကျုပ်တို့ CYG ကိုရောက် လာတာပေါ့နော်” ဟုပြောလေရာ ဆားပုလင်းပိုးကောင်က ခေါင်းကိုတွင်တွင်ခါ၍ “မဟုတ်ဘူး ကိုလုလင်ရဲ့ မင်းကြီးက ဒီကိုရောက်လာတာ ရာထူးကျပြီးရောက်လာတာ” ဟု ပြန်လည်ဖြေကြားလိုက်လေ၏။
အိုင်ပီပင်ဂွင်းတို့လည်း ဆားပုလင်းပိုးကောင်၏စကားကို နားမလည်နိုင်စွာဖြင့်ပင် ပြန်လည်မေးမြန်းကြ လေသည်။
“ဟင်.. အိုင်ဆေးကိုပိုးကောင်ပြောတော့ ရဲဘော်ဘ၀ကနေ ချက်ခြင်းအရာရှိဖြစ်တာဆို ဘယ်လိုဖြစ်လို့ ရာထူးကျပြီး ဒီရောက်လာတယ်လို့ ပြောရတာတုန်း”
“ဆက်ပြောပြပါ့မယ် မင်းကြီးလူလိန်ဟာ အရာရှိဖြစ်သွားတဲ့ အချိန်ကစပြီး အင်္ဂလန်မှာတော့ ပျိုတိုင်း ကြိုက်တဲ့ ပန်းဂေါ်ဖီဖြစ်လာတော့တာပဲ၊ မိန်းမပျိုလေးတွေကလည်း ရန်သူတစ်တပ်လုံးကို တစ်ယောက်တည်းခံချ လာတဲ့ သတ္တိခဲကြီးဆိုပြီးတော့ သူ့အနားမှာ ၀ိုင်းဝိုင်းလည်နေကြတာပေါ့၊ ဗြိတိန်ဘုရင်မကြီးကလည်း နန်းတွင်းမှာ လုပ်သမျှပါတီပွဲတိုင်း သူ့ကိုနေရာပေးပြီးဖိတ်လေ့ရှိတယ်၊ အဲ… မင်းကြီးလူလိန်ရာထူးကျခဲ့တာလည်း အဲလို ပါတီပွဲတစ်ခုမှာပဲပေါ့” ဟူ၍ ဆားပုလင်းပိုးကောင်က ပြောကြားလေသည်။
“အင်္ဂလန်နန်းတော်ထဲမှာလုပ်တဲ့ ပါတီပွဲတစ်ခုမှာပေါ့၊ ဘုရင်မကြီးရဲ့ဂါဝန်ကို သွားလှန်တဲ့အမှုနဲ့ မင်းကြီးလူလိန်ရာထူးကျသွားခဲ့တာလေ၊ အဲဒီနေ့က ပါတီပွဲမှာ မင်းကြီးလူလိန်ဟာ အတော်ကိုမူးနေခဲ့တယ်၊ ပိုဆိုး တာက ပါတီပွဲမှာ သူနဲ့တွဲကခဲ့တဲ့ မိန်းကလေးကိုလည်း သူကအရမ်းစွဲလမ်းသွားမိတာပဲ၊ မိန်းကလေးနဲ့ တွဲကနေ ရင်းပဲ မိန်းကလေးက အနောက်ဖက်ကိုထွက်သွားတယ်၊ မင်းကြီးကလည်း မိန်းကလေးနောက်ကိုလိုက်တာ၊ မိန်း ကလေးဝင်သွားတဲ့ အနောက်ခန်းထဲဝင်ဖို့ ခန်းဆီးလိုက်ကာကိုဆွဲမလိုက်တာ၊ မူးကလည်းမူးနေ ကံကလည်း ဆိုးချင်တော့ အဲဒီလိုက်ကာအရောင်နဲ့ ဘုရင်မကြီးဝတ်ထားတဲ့ဂါဝန်အရောင်က အတူတူဖြစ်နေတာပဲ၊ ဘုရင်မကြီးကလည်း အဲဒီလိုက်ကာနားမှာမှ ရပ်နေတာဆိုတော့ မူးနေတဲ့ မင်းကြီးလူလိန်က လိုက်ကာအမှတ်နဲ့ ဘုရင်မကြီးဂါဝန်ကိုဆွဲမ မိပါလေရော၊ ဘုရင်မကြီးကလည်း သူ့ကိုအရှက်ခွဲပါတယ်ဆိုပြီး မင်းကြီးလူလိန်ကို ရာထူးကနေချ၊ ပြီးတော့ CYG ကိုလွှတ်လိုက်တော့တာပါပဲ အိုင်ပီတို့ရာ” ဟု ဆားပုလင်းပိုးကောင်က ပြောလိုက် လေသည်။ အိုင်ပီပင်ဂွင်းတို့၊ အိုင်ပီပိုင်းရိတ်တို့မှာလည်း ဆားပုလင်းပိုးကောင်၏ အရာရာနှံ့စပ်သိမြင်မှုကို အံသြ ချီးကျူးကြလေ၏။ ထိုအချိန်မှာပင် မင်းကြီးလူလိန်ပြန်ရောက်လာသဖြင့် စုံထောက်ရှော်တစ်စုလည်း ရုံးစာရေးသ လိုလို၊ အမှုတွဲဟောင်းများ ပြန်ဖတ်သလိုလိုနှင့် သူတို့ဘာမှမပြောခဲ့သည့်အတိုင်း မရှိရှိသည့်အလုပ်ကို ရှာကြံ၍ လုပ်ဆောင်နေကြလေ၏။
ခဏကြာသောအခါ ပြာတာဝါ၀ါရောက်လာပြီး “ ကဲ… ဆရာတို့ မင်းကြီးကတော့ ကျိန်းနေပြီ အာရုံဆွမ်း ကပ်ဖို့သာပြင်ထားကြပေတော့ အားလုံးရုံးခန်းထဲကို ခဏလောက်ကြွခဲ့ကြပါဦးတဲ့ဗျား” ဟူ၍ စပ်ဖြဲဖြဲမျက်နှာပေး နှင့်လာရောက်ပြောဆိုလေတော့သည်။
ဆားပုလင်းပိုးကောင်တို့လူစုလည်း မင်းကြီးလူလိန်ရှိရာ ရုံးခန်းအတွင်းသို့ ကုပ်ချောင်းချောင်းဖြင့် တန်းစီ ၍၀င်သွားကြလေသည်။ ရုံးခန်းအတွင်းသို့ရောက်သောအခါ မင်းကြီးလူလိန်က အလွန်တရာခက်ထန်၍ ဒေါသအိုး ပေါက်ကွဲနေသော အမူအရာနှင့် စတင်ကြိမ်းမောင်းလေတော့သည်။
“လူကလေးတို့ စုံထောက်ရှော်တွေ အားကြီးလွန်လွန်းတယ်၊ သင်တို့ဟာ ဆိတ်သတ္တ၀ါတွေလိုပဲ၊ သင်တို့ရဲ့ပါးစပ်က အမြဲတမ်းပေါက်ပေါက်ရှာရှာတွေကို တမြုံ့မြုံ့ ပြောနေရုံကလွဲပြီး ဘာအရည်အချင်းမှ မရှိ ကြဘူး၊ အခုလည်း ကျွန်ုပ်မရှိတုန်း ကျွန်ုပ်ရဲ့အတင်းကို ပြောကြပြန်တယ်၊ ကျွန်ုပ်ဘာမှမသိဘူးလို့ လူကလေးတို့ မထင်နဲ့၊ သင်တို့ထက်လည်လို့ သင်တို့ရဲ့ အထက်အရာရှိလုပ်နေတာ၊ ဒီမှာကြည့်” ဟုဆိုကာ ဘယ်အချိန်က ဘယ်နားမှာထားသွားခဲ့မှန်းမသိသော အသံဖမ်းစက်ကလေးကိုဖွင့်၍ သူတို့လူစုပြောခဲ့သမျှကို ပြန်လည်၍ ဖွင့်ပြလေတော့သည်။ ဆားပုလင်းပိုးကောင်တို့လူစုလည်း လက်ပူးလက်ကြပ်မိနေသဖြင့် ဘာမှပြန်လည်ပြောဆို ခွင့်မရပဲ မင်းကြီးလူလိန်၏ ဆူပူကြိမ်းမောင်းမှုကို ဆက်လက်၍ ခံကြရလေတော့သည်။ မင်းကြီးလူလိန်က
“အားကြီးတရားကျဖို့ကောင်းတယ် ကျွန်ုပ်က မောင်မင်းတို့သွားရမယ့် အမှုအခင်းတစ်ခုကို သွားပြီး စုံစမ်းနေတဲ့အချိန်မှာ မောင်မင်းတို့က ကျွန်ုပ်အကြောင်းကို ပီပီပြင်ပြင်ထိုင်ပြောနေခဲ့ကြတယ်၊ မောင်မင်းတို့လို လက်အောက်ငယ်သားမျိုးနဲ့အတူ အလုပ်လုပ်ရတာဟာ ကျွန်ုပ်ခေါင်းကို မိုးကြိုးပစ်ချတာခံရသလိုပဲ၊ ဖားခရုပဲကွာ၊ အခုလည်း တာမွေဗလီမှာ အမှုအခင်းတစ်ခုပေါ်နေပြန်ပြီ၊ မောင်မင်းတို့ ဘာမှမသိကြဘူးမဟုတ်လား”
ထိုအခါ ရာဇ၀တ်အုပ်ဝိုင်က “အင်းလေ… မသိဆို မင်းကြီးကရုံးမှာ အင်တာနက်မှ တပ်မပေးထားတာ ကျွန်တော်မျိုးတို့က ဘယ်သိပါ့မလဲလို့” ဟု မရဲတရဲ ၀င်ရောက်ပြောဆိုလေသည်။ မင်းကြီးလူလိန်မှာလည်း နဂိုထက်ပို၍ ဒေါသအိုးပေါက်ကွဲသွားပြီး ထပ်မံအော်ဟစ်ကြိမ်းမောင်းလေတော့သည်။
“အိုးဂေါ့ဒ် မိုင်အဖ ဘုရားသခင် ကယ်တော်မူပါ၊ သင်တို့ စုံထောက်ရှော်တွေအားလုံးကိုတော့ ဖားခရုပဲကွာ၊ သင်တို့လို ဆိတ်သတ္တ၀ါတွေကို အင်တာနက်တပ်ပေးထားလို့ကတော့ ကျွန်ုပ်ရဲ့ CYG ကြီး ရှစ်စိတ် ကွဲဖို့ရှိသလို ကျွန်ုပ်လည်း အင်္ဂလန်ကို ဘင်သံတောင်မကြားရဘဲ ပြန်သွားရလိမ့်မယ် သိရဲ့လား၊ အခု တာမွေဗလီ နားမှာ အမှုတစ်ခုဖြစ်နေတယ်၊ ကုလားမလေး ဆမာဆူချွတ်ကရီးရဲ့ ဆာရီပျောက်သွားတယ်လို့ ကျွန်ုပ်ကို တိုင် ချက်လာဖွင့်သွားတယ်၊ အဲဒီအမှုကို လူကလေးတို့ အမြန်ဆုံးဖော်ထုတ်မပေးနိုင်ရင် သင်တို့အားလုံးကိုဖမ်းပြီး ထောင်ချပစ်မယ် ဒါပဲ ဂက်ဒေါက်” ဟူ၍ မျက်ထောင့်နီကြီးဖြင့် ကြိမ်းမောင်းလေတော့ရာ ဆားပုလင်းနှင်းမောင် ခေါင်းဆောင်၍ စုံထောက်ကျော်ကြီးများအားလုံး ထိုဆာရီပျောက်မှုကြီးကို အမြန်ဆုံးဖော်ထုတ်ရန်အတွက် တာမွေဗလီသို့ သုတ်သီးသုတ်ပျာ ထွက်ခွာသွားကြရလေတော့သည်။
တာမွေဗလီရှိ ကုလားမလေး ဆမာဆူချွတ်ကရီး၏ နေအိမ်သို့ရောက်သောအခါတွင်လည်း စုံထောက် ရှော်ကြီးများမှာ အမှုနှင့်မည်သို့မှ မသက်ဆိုင်သောအချင်းအရာများကိုသာ သူ့ထက်ငါဦးအောင် လုပ်ကိုင်ကုန်ကြ ခြင်းဖြင့် အမှုမှန်ပေါ်ပေါက်အောင် အားထုတ်ကြလေ၏။ အိုင်ပီပင်ဂွင်းက ဆမာဆူချွတ်ကရီး၏ အခန်းတွင်း၌ ရှုပ် ပွပြန့်ကျဲနေသော ထဘီပုံအောက်သို့ ခေါင်းထိုးကာ ဆာရီကိုအပူတပြင်းလိုက်လံရှာဖွေလေသည်။ ရာဇ၀တ်အုပ် ၀ိုင်ကမူ ဆာရီပျောက်သွားသောကြောင့် တရှုံ့ရှုံ့ငိုနေရှာသော ဆမာဆူချွတ်ကရီးအား ဆယ်တန်းဘယ်နှခုနှစ်က အောင်သလဲ၊ ဘယ်မင်းသားကိုကြိုက်သလဲ စသည်ဖြင့် အမှုနှင့်မည်သို့မျှမသက်ဆိုင်သော မေးခွန်းများကိုသာ တွင်တွင်မေး၍ သူ၏မှတ်တမ်းစာအုပ်ထဲသို့ အရည်မရအဖတ်မရအဖြေများကို ထည့်သွင်းရေးသား၍ အချိန်ကုန် စေလေသည်။
နောက်ထပ်တစ်နာရီခန့်ကြာသောအချိန်တွင်မှ ဆမာဆူချွတ်ကရီး၏ အစ်ကိုဖြစ်သော မိုဟာမက် ရန်ကနာဖြိုးနွယ်က ပျောက်ဆုံးသွားသည်ဟူသော ဆာရီကိုကိုင်ကာ ဒယီးဒယိုင်ဖြင့် သိုင်းကွက်နင်းကာ ပြန်လာ သည်ကို တွေ့ရှိလိုက်ကြရလေသည်။ ထိုအခါမှပင် ရန်ကနာဖြိုးနွယ်က အရက်သောက်စရာ ပိုက်ဆံမရှိ၍ ဆမာဆူချွတ်ကရီး၏ ဆာရီကို အပေါင်ဆိုင်တွင် တိတ်တိတ်လေးယူပေါင်ထားခြင်းဖြစ်ကြောင်း၊ ယနေ့မှ အရက်ပုလင်းအခွံများရောင်းရငွေဖြင့် ပေါင်ထားသော ဆာရီကို ပြန်ရွေးလာခြင်းဖြစ်ကြောင်း သိရှိကြရလေ၏။ အမှုတစ်ခုပြီးဆုံးသွားပြီဖြစ်၍ စုံထောက်ရှော်ကြီးများလည်း CYG သို့ ပြန်လည်ထွက်ခွာလာကြလေသည်။ ရုံးသို့ ရောက်သောအခါတွင်လည်း ပေါက်ကရလေးဆယ်ထိုင်ပြောနေရုံမှတပါး အခြားမရှိသဖြင့် ဆားပုလင်းပိုးကောင်၊ အိုင်အိုဒင်းလုလင်နှင့် အိုင်ပီပင်ဂွင်းတို့သုံးယောက်မှာ လက်ဖက်ရည်သောက်ရန်အလို့ငှာ ဦးညိုကြီးကာကာဆိုင် သို့ ထွက်ခွာလာကြလေ၏။
ဦးညိုကြီးကာကာဆိုင်တွင် လက်ဖက်ရည်သောက်ရင်းဖြင့် ၄င်းတို့သုံးယောက်မှာ တမြန်နေ့မနက်က ကြုံတွေ့ခဲ့ရသော ဆားပုလင်းပိုးကောင်နှင့် အိုင်အိုဒင်းလုလင်တို့၏ အရှက်ကွဲဖွယ်အဖြစ်ကို ပြန်လည်ပြောဆိုရင်း တရားခံမည်သူဖြစ်နိုင်သည်ဟု မှန်းဆနေမိကြလေ၏။ အိုင်ပီပင်ဂွင်းက ထိုသို့ဗိုက်တွင်စာလာရေးလောက်အောင် အစွမ်းထက်သူမှာ ရာဇ၀တ်မှုလောက၌ လက်ချိုးရေလို့ရအောင်ပင် ရှားပါးကြောင်း၊ သူ့အထင်ကတော့ ယခုကဲ့သို့ ပေါက်ပေါက်ရှာရှာလုပ်တတ်သူမှာ လူဆိုးကြီးမြိုင်ရာဇာမာဇေးပင်ဖြစ်မည်ဟုထင်ကြောင်း ပြောကြားလေ၏။ အိုင် အိုဒင်းလုလင်ကလည်း သူ့စိတ်ထဲတွင်ထင်မြင်မိသမျှသော သံသယရှိဖွယ်လူများစာရင်းကို တောင်စဉ်ရေမရ လျှောက်ပြောနေလေ၏။ ထိုသို့ပြောဆိုကြရင်းမှာပင် အသံကျယ်ကျယ်လောင်လောင်ဖြင့် အနည်းငယ်ဝသော လူ ကြီးတစ်ယောက် ကာကာဆိုင်ထဲသို့ဝင်လာကာ ဆားပုလင်းပိုးကောင်တို့ဝိုင်း၏ ဘေးချင်းကပ်ဝိုင်းတွင် ၀င်ထိုင်နေ လေသည်။ အိုင်ပီပင်ဂွင်းနှင့် အိုင်အိုဒင်းလုလင်တို့မှာမူ တရားခံဖြစ်နိုင်ခြေရှိသူများအကြောင်းကို စဉ်းစားနေရခြင်း ကြောင့် ထိုအချင်းအရာကို သတိမထားလိုက်မိချေ။ သို့သော်လည်း ဆားပုလင်းပိုးကောင်ကမူ ထိုလူကြီးက ကာ ကာဆိုင်စားပွဲထိုးအား စားစရာသောက်စရာမှာယူနေသည့်အချိန်ကတည်းက မျက်တောင်မခတ်တမ်း စိုက်ကြည့် နေလေ၏။ ခဏမျှကြာသောအခါတွင် အိုင်ပီပင်ဂွင်းနှင့် အိုင်အိုဒင်းလုလင်တို့က ဆားပုလင်းပိုးကောင်အား ယခု အမှုအတွက် သံသယဖြစ်ဖွယ်လူစာရင်းအား မိမိတို့နှစ်ယောက်တွေးတောမိပြီးဖြစ်၍ ထိုသူများအားဖမ်းဆီးပြီး ရိုက်နှက်စစ်ဆေးလိုက်သောအခါတွင် အမှုမှန်ပေါ်မည်မှာ မြေကြီးလက်ခတ်မလွဲဖြစ်သောကြောင့် ထိုသူများအား ယခုပင်သွားရောက်ဖမ်းဆီးကြရန်သင့်ကြောင်း ဆားပုလင်းပိုးကောင်အား ပြောဆိုလေသည်။ ဆားပုလင်း ပိုးကောင်က ဘာမှပြန်မပြောပဲ စီးကရက်ဘူးထဲမှ ရွှေဒူးယားတစ်လိပ်ကိုထုတ်၍ မီးညှိဖွာရှိုက်နေလေသည်။ ပြီးမှ “တရားခံက အဝေးကြီးသွားဖမ်းစရာမလိုဘူး အိုင်ပီရဲ့ ကျွန်တော်တို့နားမှာတင်ရှိတယ် အခုကျွန်တော်ဖမ်းပြမယ် ကြည့်နေ” ဟု ဆိုလိုက်လေတော့သည်။ ထို့နောက် သူတို့၏ဘေးတွင်ရှိသော ၀ိုင်းသို့ထသွားပြီး လက်ဖက်ရည် ထိုင်သောက်နေသောလူကြီးအား “ကဲ… ဟေ့လူ ခင်ဗျားကို ဆားပုလင်းပိုးကောင်နဲ့ အိုင်အိုဒင်းလုလင်တို့ရဲ့ အကျီင်္အ၀တ်အစားတွေကိုချွတ်ယူမှု၊ ဗိုက်မှာစာရေးသွားမှုတွေနဲ့ အခုပဲဖမ်းဆီးလိုက်ပါပြီ အသာတကြည်အဖမ်းခံ မယ်လို့မျှော်လင့်ပါတယ်” ဟု တရားခံဖမ်းမိသောကြောင့် ၀မ်းသာနေသော အသံဝါကြီးဖြင့် အော်ဟစ်ဖမ်းဆီးလေ တော့သည်။
မမျှော်လင့်ပဲ အဖမ်းခံလိုက်ရသဖြင့် ကြောက်လန့်နေသောလူကြီးမှာလည်း အထိတ်တလန့်ဖြင့် တရားခံ မှာသူမဟုတ်ကြောင်း၊ ဆားပုလင်းပိုးကောင်စွပ်စွဲသမျှအမှုများကိုလည်း သူမသိကြောင်း၊ ထို့အပြင် ဆားပုလင်း ပိုးကောင်ပြောသောအမှုများဖြစ်ခဲ့ချိန်၌လည်း သူသည်ဒီမှာမရှိကြောင်း၊ သူ၏ “အရိန္ဒမာသဘောင်္” ပေါ်မှ အလုပ် တာဝန်များပြီးဆုံးသွား၍ ယခုမှကမ်းပေါ်ပြန်တက်လာသော မာလိန်မှူးတစ်ဦးဖြစ်ကြောင်း၊ မယုံကြည်ပါက ဗိုလ် တစ်ထောင်ဆိပ်ကမ်းသို့ သွားရောက်၍ မာလိန်မှူးဇော်ဝင်းမြတ်ဟုမေးလျှင် အားလုံးသိကြောင်း အကြောက်အ ကန်ငြင်းဆန်သော်လည်း ဆားပုလင်းပိုးကောင်က သူ့အားလက်ထိပ်ခတ်၍ CYG ရုံးသို့ဖမ်းဆီးခေါ်ဆောင်သွား လေတော့သည်။
အထက်ပါအဖြစ်အပျက်များဖြစ်ပွားပြီး တစ်ပတ်ခန့်ကြာသောအခါတွင် ဆားပုလင်းပိုးကောင်နှင့် အိုင်အို ဒင်းလုလင်တို့အား ပုလိပ်မင်းကြီးလူလိန်မှ ဆင့်ခေါ်ကြောင်းသတင်းကြားသဖြင့် ဆားပုလင်းပိုးကောင်လည်း မာလိန်မှူးဇော်ဝင်းမြတ်အား ဖမ်းဆီးပေးနိုင်ခဲ့သောကြောင့် မင်းကြီးလူလိန်၏ ဂုဏ်ပြုချီးကျူးခြင်းကို ခံရဦးမည့် အရေးကိုတွေးကာ ပျော်ရွှင်ဝမ်းမြောက်စွာဖြင့် CNG ရုံးသို့ ထွက်ခွာလာခဲ့လေသည်။
CYG ရုံးသို့ရောက်သောအခါ ပုလိပ်မင်းကြီးလူလိန်၏ ရုံးခန်းအတွင်းသို့ ရင်ကော့ခေါင်းမော့ပြီး ၀င်ရောက်သွားလေ၏။ ထိုအခါကျမှပင် ပုလိပ်မင်းကြီးလူလိန်က အိုင်အိုဒင်းလုလင်အပါအ၀င် အခြားစုံထောက် များကို ဒေါသတကြီး ဆူပူကြိမ်းမောင်းနေကြောင်းကို အထင်နှင့်အမြင်တက်တက်စင်အောင် တွေ့မြင်လိုက်ရလေ ၏။ သူဝင်သွားသည်ကို မြင်သောအခါ ပုလိပ်မင်းကြီးလူလိန်က
“အိုး … လူကလေးပိုးကောင်… သိပ်သိပ်ကိုတော်တဲ့ ဆားပုလင်းပိုးကောင် မောင်မင်းရောက်လာပြီလား” ဟု ဆီး၍မေးမြန်းလေတော့သည်။ ဆားပုလင်းပိုးကောင်လည်း
“ဟုတ်ပါတယ်မင်းကြီး ကျုပ်ရောက်ရှိလာပါပြီ၊ မာလိန်မှူးဇော်ဝင်းမြတ်ကို ဖမ်းဆီးပေးနိုင်ခဲ့တဲ့ ကျွန်ုပ်နဲ့ အိုင်အိုဒင်းလုလင်ကို ဂုဏ်ပြုပွဲလုပ်ပေးဦးမယ်ထင်တယ် ဟုတ်လား” ဟု မေးမြန်းလိုက်လေ၏။ ထိုအခါ ပုလိပ် မင်းကြီးလူလိန်က နားလည်ရခက်သောရယ်ပုံမျိုးဖြင့် ကျယ်လောင်စွာရယ်မောလိုက်ပြီး
“ဟုတ်ပ မောင်မင်းနဲ့ လူကလေးလုလင်ကို ကျွန်ုပ်ဂုဏ်ပြုရပေမပေါ့၊ ဒါပေမယ့် ဒီမှာတော့မဟုတ်ဘူး၊ ကဒုံကနိမှာ ဂုဏ်ပြုမှာ” ဟု ပြောကြားလေသည်။ ဆားပုလင်းပိုးကောင်လည်း အံ့သြသွားပြီး…
“ဟင်… ကဒုံကနိမှာ… ဟုတ်လား… ဘာဖြစ်လို့လဲ” ဟုပြန်လည်မေးမြန်းလေ၏။ မင်းကြီးလူလိန်က အလွန်တရာ ဒေါသထွက်နေသောအသံဖြင့်
“ဟုတ်တယ် ကဒုံကနိမှာ ဂုဏ်ပြုမှာ၊ ဘာအပြစ်မှမရှိတဲ့ တရားခံကို စားနေသောက်နေတုန်း ခက်ခက်ခဲခဲကြီးဖမ်းဆီးလာနိုင်ခဲ့တဲ့ မောင်မင်းနဲ့ အိုင်အိုဒင်းလုလင်ကို ကဒုံကနိဂတ်ကို ရွှေ့ခိုင်းတဲ့ ဂုဏ်ပြုပုံမျိုးနဲ့ ဂုဏ်ပြုမှာ”
ထိုအခါ ဆားပုလင်းပိုးကောင်က အံ့သြတကြီးဖြင့် “မင်းကြီးနော်… လွန်..လွန်မယ်နော်… ကျုပ်ဖမ်းလာ တဲ့တရားခံက အမှန်ပဲဟာကို… မယုံရင်သူ့မေးကြည့်ပါလား” ဟူ၍ အကြောက်အကန် အထွန့်တက်ပြောဆိုလေ သည်။ မင်းကြီးလူလိန်က သရော်တော်တော်လေသံဖြင့်
“ရဒယ်မောင်မင်း ရဒယ်… သူု့ကိုမမေးခင် မောင်မင်းပိုးကောင်ကိုပဲ ကျုပ်အရင်မေးပါ့မယ် ဘယ်လိုအချက်အလက်တွေနဲ့ မာလိန်မှူးကြီးကို လူကလေးဖမ်းဆီးလာခဲ့သလဲဆိုတာ အရင်ပြောပါလေ”
ဆားပုလင်းပိုးကောင်လည်း သူ၏မာနကိုထိခိုက်သွားသဖြင့် ကက်ကက်လန်သောအသံဖြင့်
“ဒီမယ် မင်းကြီး ကျှုပ်ကမှားပြီးဖမ်းစရာ အကြောင်းမရှိဘူး၊ ဒီလူကြီးက ကာကာဆိုင်ထဲဝင်လာကတည်း က အော်ကြီးဟစ်ကျယ်နဲ့ ဗိုက်စာ၊ ဗိုက်စာ ဆိုတဲ့အကြောင်းပြောပြီးဝင်လာတာ၊ သူဆိုလိုချင်တာက ကျုပ်နဲ့ အိုင်အိုဒင်းလုလင်ရဲ့ ဗိုက်မှာသူစာရေးသွားတယ်ဆိုတဲ့အကြောင်းပဲ၊ သူကံဆိုးသွားတာက ဆိုင်ထဲမှာ ကျုပ်နဲ့ အိုင်အိုဒင်းလုလင်တို့ ဆိုင်ထဲမှာရှိတယ်ဆိုတာကို မသိလိုက်တဲ့အချက်ပဲလေ၊ ဒါ့ကြောင့် သူ့ကိုကျုပ်ဖမ်းလာနိုင်ခဲ့ တာပေါ့ မင်းကြီးရ၊ မဟုတ်ဘူးလား အိုင်အိုဒင်းလုလင်ရယ်…. နော်” ဟူ၍ သူတရားခံဖမ်းခဲ့သည့် ကွင်းဆက်ကို မင်းကြီးအားပြောပြရင်း အိုင်အိုဒင်းလုလင်ကိုပါ လှမ်း၍အဖော်ညှိလိုက်လေသည်။ ထိုအခါ အိုင်အိုဒင်းလုလင်က အသံတုန်တုန်ဖြင့်
“အင်း… အဲဒီနေ့ကတော့ ဟုတ်တယ် အိုင်ဆေးကိုပိုးကောင်ရဲ့၊ ဒီနေ့တော့ မဟုတ်တော့ဘူးဗျာ” ဟူ၍ အားငယ်စွာပြန်ပြောလေသည်။ မင်းကြီးလူလိန်က ဆက်၍
“ကဲ.. မောင်မင်းပိုးကောင်ဖမ်းလာခဲ့တဲ့ မာလိန်မှူးကြီးကိုခေါ်ပြီး မေးပြမယ် သေချာနားထောင်ထား” ဟု ဆိုကာ မာလိန်မှူးကြီးဇော်ဝင်းမြတ်အား ခေါ်လိုက်လေသည်။ မာလိန်မှူးဇော်ဝင်းမြတ်လည်း အပြင်သို့ရောက်လာ သည်နှင့် ဆားပုလင်းပိုးကောင်နှင့် အိုင်အိုဒင်းလုလင်အား နှစ်ပြားမတန်အောင် ပယ်ပယ်နယ်နယ်ကျိန်ဆဲရွတ်ဆို လေတော့သည်။ မင်းကြီးလူလိန်က မာလိန်မှူးဇော်ဝင်းမြတ်အား
“ကဲ.. မောင်မင်းကို သူတို့ဘယ်လိုဖမ်းလာကြတယ်ဆိုတာ ပြန်ပြောပါဦး” ဟူ၍ အားပေးအားမြှောက်ပြု လေသည်။ မာလိန်မှူးကြီးက ဆားပုလင်းပိုးကောင်တို့နှစ်ယောက်အား မျက်စောင်းတချက်ထိုးလိုက်ပြီး
“ကျွန်တော် အဲဒီနေ့က သင်္ဘောပေါ်မှာအလုပ်ပြီးလို့ ကမ်းပေါ်ပြန်တက်လာပါတယ်၊ မနက်ကတည်းက ဘာမှလည်း မစားရသေးလို့ ဗိုက်ဆာတာနဲ့ ဦးညိုကြီးကာကာဆိုင်ထဲမှာ တစ်ခုခုစားဖို့အတွက် ၀င်လာခဲ့ပါတယ်၊ အထဲရောက်တော့ ဗိုက်ဆာလွန်းလို့ဆိုပြီး စားပွဲထိုးလေးတွေကို စားစရာတွေအမြန်ယူလာဖို့မှာပြီး ဗိုက်ဆာတယ်၊ ဗိုက်ဆာတယ်လို့ အော်ဟစ်နေခဲ့ပါတယ်၊ အဲဒါကို ဒီစုံထောက်အစုတ်ပလုပ်နှစ်ကောင်က သေချာမစုံစမ်းပဲနဲ့ တရားခံဆိုပြီးဖမ်းကြတာပါ မင်းကြီးခင်ဗျား” ဟု ပြောဆိုတော့မှပင် ဆားပုလင်းပိုးကောင်လည်း ဗိုက်ဆာတယ် ဟူသောအသံကို “သူ၏ဗိုက်တွင်စာရေးသွားသူ” ဟုအမှတ်မှားပြီးဖမ်းမိခြင်းအကြောင်း သိမြင်သွားလေတော့၏။
ထိုအခါမှပင် ဆားပုလင်းပိုးကောင်လည်း ယခင်ကသူဖမ်းဆီးပေးခဲ့ဖူးသော အမှုများနှင့် အိုင်အိုဒင်း လုလင်ဖော်ထုတ်ပေးခဲ့သောအမှုများအား ငဲ့ညှာသောအားဖြင့် သူတို့နှစ်ယောက်အား ကဒုံကနိဂတ်သို့မပို့ဘဲ တစ်ကြိမ်တစ်ခါခွင့်လွှတ်ပေးပါရန် ခြေသလုံးဖက်မတတ် တောင်းပန်လေသည်။ ထိုစကားကြားသောအခါတွင် မင်းကြီးလူလိန်မှာ ပို၍ပင်ဒေါကန်သွားသောအမူအယာဖြင့် ဒေါသတကြီး အော်ဟစ်လေတော့၏။
“ဘာ… မောင်မင်းတို့ ဖမ်းပေးခဲ့တဲ့အမှုတွေကို ငဲ့ညှာသောအားဖြင့်… ဟုတ်လား၊ အရင်က မောင်မင်းတို့ ဖမ်းခဲ့တယ်ဆိုတဲ့အမှုတွေကလည်း သောက်တလွဲတွေချည်းပဲ၊ ကျွန်ုပ်က သင်တို့နှစ်ယောက်အကြောင်းကို ကောင်းကောင်းသိလို့ သင်တို့စုံထောက်နှစ်ယောက်ကို ပြန်ပြီးစုံထောက်ဖို့အတွက် လူငှားပြီးနောက်ယောင်ခံ လိုက်ခိုင်းခဲ့တာကြာပြီ၊ အဲဒီလူကလည်း နယ်နယ်ရရမဟုတ်ဘူး၊ စာရေးဆရာကြီး ဆာရိုက်ဒါဟတ်စ်ဂတ်ရဲ့ ၀တ္ထုဇာတ်ကောင်ဖြစ်တဲ့ မုဆိုးကျော်ကြီးအလန်ကွာတာမိန်းရဲ့ ဆရာအရင်းကို တောင်းတောင်းပန်ပန်ခေါ်ပြီး မောင်မင်းတို့နှစ်ယောက်နောက်ကနေ ရှဲဒိုးလုပ်ခိုင်းထားရတယ်ဆိုတာ မောင်မင်းတို့နားလည်ကြစမ်းပါ၊ ကဲ.. အလန်ကွာတာမိန်းရဲ့ ဆရာအရင်းကြီးရယ်… စုံထောက်ရှော်နှစ်ယောက်ကို နည်းနည်းပညာပေးလိုက်ပါဦး” ဟူ၍ ဖိတ်ခေါ်လိုက်လေတော့၏။
ထိုအခါကျမှပင် ပုလိပ်မင်းကြီးလူလိန်၏ နောက်ခန်းကန့်လန့်ကာနောက်မှ အလွန်တရာခန့်ညားလှပ သေသပ်ချောမော၍ ကျက်သရေမင်္ဂလာအပေါင်းနှင့်သာမက စိန်ခြူးကြာညောင်အပေါင်းနှင့်ပါ ပြည့်စုံသည့် ရုပ်ဆင်းအင်္ဂါကိုပိုင်ဆိုင်သော အနောက်တိုင်းဝတ်စုံကို သေသပ်ကျနစွာ ၀တ်ဆင်ထားသည့် လူရွယ်တစ်ဦး ထွက် လာလေသည်။ ထိုလူရွယ်၏ သေသပ်ခန့်ညားသော ပုံပန်းသဏ္ဍာန်ကို မြင်ရသည့်အခိုက်တွင် ဆားပုလင်း ပိုးကောင်အပါအ၀င် ရှိသမျှစုံထောက်ကျော်ကြီးများအားလုံး အသက်ရှူရန်မေ့လျော့နေကြသည့်အလား ရင်သပ် ရှုမောဝိုင်းဝန်းကြည့်ကြလေ၏။ ထို့နောက်တွင်မှ ဆားပုလင်းပိုးကောင်က တစ်စုံတစ်ရာကို မှတ်မိသွားသည့် အလား အလန့်တကြားထ၍ အော်ဟစ်လေတော့သည်။
`ဟင်…. ၀ါတာပြာပြာ.. အဲလေ.. ပြာဝါတာတာ.. အာ.. မဟုတ်သေးပါဘူး.. ပြာတာဝါ၀ါ…´
ဆားပုလင်းပိုးကောင်က ထိုသို့ထအော်သည့်အချိန်ကျမှပင် ကျန်စုံထောက်များလည်း အဖြစ်မှန်ကို ရိပ်မိ သိရှိကာ ၄င်းလူငယ်မှာ သူတို့ရုံးတွင် လက်တိုလက်တောင်းခိုင်းသော ပြာတာဝါ၀ါဖြစ်နေကြောင်းသိရှိကြရလေ၏။ ဆားပုလင်းပိုးကောင်လည်း လျှင်မြန်စွာဖြစ်ပျက်သွားသော အဖြစ်အပျက်များကို လိုက်၍မမှီနိုင်တော့သကဲ့သို့ ခေါင်းကိုတဗျင်းဗျင်းကုတ်၍ `ကယ်ကြပါဦးဗျာ… တစ်သက်လုံး ဟောက်စားလုပ်ချင်တိုင်းလုပ်လာခဲ့တဲ့ ပြာတာ ၀ါဝါက ဘယ်လိုဖြစ်ပြီး အလန်ကွာတာမိန်းရဲ့ ဆရာအရင်းကြီးဖြစ်နေရတာတုန်း မင်းကြီးလူလိန်ရယ်´ ဟူ၍ ပုလိပ်မင်းကြီးလူလိန်အား မေးလေတော့သည်။ မင်းကြီးလူလိန်က မိန့်မိန့်ကြီးပြုံးလိုက်ပြီး
`ဟုတ်ပ.. လူလေးတိှု့အထင်မကြီးခဲ့တဲ့ အဲဒီပြာတာဝါ၀ါဆိုတာ တကယ်တော့ မုဆိုးကျော်ကြီး အလန်ကွာတာမိန်းရဲ့ ဆရာအရင်း အလန်ဝါတာမိန်း (ခေါ်) အလန်ကွာတာဝါ၀ါပဲ မောင်မင်းတို့ စုံထောက်ရှော် ကြီးတွေရဲ့ ညံ့ကွက်၊ ချာကွက်တွေကို စုံစမ်းထောက်လှမ်းဖို့အတွက် ကျုပ်ကိုယ်တိုင် တောင်းတောင်းပန်ပန် ခေါ်ထားရတာပဲ ကိုင်း… ရှင်းကြပြီလား မောင်မင်းတို့´ ဟူ၍ ရှင်းလင်းပြောဆိုပြလေတော့သည်။ ထို့နောက် မင်းကြီးလူလိန်က အလန်ကွာတာဝါ၀ါအား ဖြစ်ပုံပျက်ပုံအလုံးစုံကို ပြောဆိုရှင်းပြခြင်းအားဖြင့် သနားစရာ စုံထောက်ရှော်ကြီးများအား ပညာအနည်းငယ်မျှပေးပါရန် တောင်းပန်စကားပြောကြားလေသည်။
အလန်ကွာတာဝါ၀ါလည်း ဆားပုလင်းလူစုကို သရော်တော်တော်အပြုံးဖြင့်တစ်ချက်မျှ ကြည့်လိုက်ပြီး ကျားပျံမကောက်ဆေးပြင်းလိပ်ကြီးကို ရှူးခနဲ မီးညှိ၍ အားရပါးရဖွာရှိုက်နေလေသည်။ ထို့နောက်မှ အလွန်တရာ ပီသကြည်မြ၍ သာယာနာပျော်ဖွယ်ကောင်းသော သြဇာပါသည့်အသံဖြင့်
`ပထမဆုံးစပြောရရင်တော့ ဆားပုလင်းပိုးကောင်တို့တွေ ဗိုက်စာအမှုနဲ့ လျှောက်ဖမ်းထားတဲ့ မာလိန်မှူး ဇော်ဝင်းမြတ်ကို ပြန်လွှတ်ပေးရမှာပဲ၊ တကယ်တော့ အဲဒီစာကို ဆားပုလင်းပိုးကောင်တို့ ဗိုက်တွေပေါ်မှာ လာရေး ခဲ့တဲ့သူဟာ ကျုပ်ပဲ၊ ဘာလို့လာရေးခဲ့သလဲဆိုတော့ ဆားပုလင်းပိုးကောင်နဲ့ အိုင်အိုဒင်းလုလင်တို့ရဲ့ အစွမ်းဘယ် လောက်ရှိသလဲဆိုတာသိချင်လို့ရယ်၊ ကျုပ်ရဲ့အစွမ်းအစကို နမူနာပြချင်တာကြောင့်ရယ်ကြောင့် လာရေးခဲ့တာပဲ ဖြစ်တယ်၊ ခုတော့ ကျုပ်ရှင်းရှင်းလင်းလင်းကြီးကို သိသွားပြီလေ၊ စုံထောက်ရှော်ကြီးနှစ်ယောက်ဟာ အမှုလိုက်ရာ မှာသိပ်ကိုတော်ကြပါတယ်။ သေးတဲ့အမှုကိုကြီးအောင်၊ ကြီးတဲ့အမှုကို သောက်ကျိုးနည်းအောင်၊ သောက်ကျိုး နည်းအမှုကိုကျတော့ မိုးမီးလောင်အောင် `ဖွ´တဲ့နေရာမှာတော့ တကယ့်ကိုပြိုင်စံရှားပဲဆိုတာ သိလိုက်ရတယ်၊ အင်း… သူများတွေရဲ့အမှုအခင်းကို လိုက်ဖို့မပြောနှဲ့ သူတှို့အ၀တ်အစားတွေ ချွတ်ယူပြီး ဗိုက်မှာစိမ်ပြေနပြေ စာရေးသွားတာတောင် ဘယ်သူမှန်းမသိတဲ့ စုံထောက်တွေကြောင့် CYG ဟာ မကြာခင်ကာလမှာ ခွေးလျက်တဲ့ ထန်းလျက်ခဲလိုပဲ လုံးပါးပါးတော့မှာပဲ´ ဟူ၍ လှောင်ပြောင်သံစွက်သော စကားလုံးများဖြင့် ဆားပုလင်းပိုးကောင် နှင့် အိုင်အိုဒင်းလုလင်တို့ကို နှိပ်ကွပ်လေတော့သည်။
ပုလိပ်မင်းကြီးလူလိန်ကလည်း ခေါင်းခါလည်ခါဖြင့် `အင်း .. ဖားခရုပဲကွာ၊ မောင်မင်းတို့လုပ်ရပ်ကြောင့် CYG ကြီးလုံးပါးမပါးခင် ကျွန်ုပ်ရဲ့ခေါင်းကဆံပင်တွေ အရင်ပါးကုန်လိမ့်မယ်၊ မဖြစ်ဘူး… လူကလေးတို့ လုပ်ရပ် တွေကြောင့် အင်္ဂလန်ကို ဘင်သံနဲ့ကျွန်ုပ်မပြန်ရခင် လူကလေးပိုးကောင်နဲ့ အိုင်အိုဒင်းလုလင်တို့ကို ရာထူးထပ်ချ ပြီး ကဒုံကနိဂါတ်ကို ပြောင်းရွှေ့မိန့်ချလှိုက်တော့မယ်၊ နောက်နေ့ကစပြီး လူကလေးတို့နှစ်ယောက် ဂတ်ဒေါက်ပဲ ၊ ကဒုံကနိဂါတ်ကို ပြောင်းဖို့ အထုပ်ပြင်ထားကြပေတော့´ ဟူ၍ တစ်ချက်လွှတ်ရာဇသံပေးလေတော့သည်။
နောက်တစ်နေ့မြန်မာနိုင်ငံထုတ်သတင်းစာတစ်စောင်ဖြစ်သော ခနော်နီခနော်နဲ့ သတင်းစာခေါင်းကြီးပိုင်း တွင် ဆားပုလင်းပိုးကောင်နှင့် အိုင်အိုဒင်းလုလင်တို့နှစ်ဦး၏ ဗိုက်တွင် သူရသတ္တိကောင်းစွာဖြင့် စာရေးသားခဲ့သော အလန်ကွာတာမိန်း၏ ဆရာအရင်းဖြစ်သူ အလန်ဝါတာမိန်း (ခေါ်) အလန်ကွာတာဝါ၀ါ၏ စွမ်းဆောင်ချက်များအကြောင်းကို ဝေေ၀ဆာဆာဖော်ပြကြသလို၊ စုံထောက်ရှော်ကြီှးနှစ်ဦးအား ပုလိပ်မင်းကြီး လူလိန်က ကဒုံကနိဂါတ်သို့ ပြောင်းရွှေ့လိုက်ပြီး ရှေ့လျောက်အမှုများကို ဖော်ထုတ်ရန်အတွက် အလွန်တရာ အရည်အချင်းရှိသော အလန်ကွာတာဝါ၀ါအား တာဝန်လွှဲပြောင်းပေးအပ်ကြောင်း သတင်းများကို ဝေဆာစွာ ဖော်ပြထားသည်ကို နိုင်ငံအ၀ှမ်းရှိပြည်သူများ ဖတ်ရှုကြရလေတော့သတည်း။
ကျွန်တော့်ဆီကိုမှ
အဖြူရောင်ကလေးတစ လွင့်ကျလာ……
ပါးချိုင့်လေးတစ်ဝက်နဲ့ လှတယ်
ဆံပင်လေးစည်းထားတာ လှတယ်
အဲဒီ “အဖြူရောင်မလေး” က
“အဖြူရောင်စိတ်လေး” နဲ့ ……. သိပ်လှပါတယ်။
ကြည့်လိုက်မိတိုင်း
ကျွန်တော့်ဆီပဲ စီးဆင်းနေချင်တဲ့ပုံမျိုး
ကြွေကျလာတိုင်း
ကျွန်တော့်မှာပဲ ကမ္ဘာမြေဆွဲအားရှိနေသလိုမျိုး
ဖြူဖြူဖျော့ဖျော့ ထိုင်နေတတ်ပြန်တယ်။
ဘယ်လောက်ရွေ့လျားနေသလဲ
ကျွန်တော့်ရဲ့အဖြူရောင်မလေးက
ကျွန်တော့်ဆီကို …… ဘယ်လောက်အထိ
…….ဘယ်လောက်အထိများ…….. စုန်ဆန်နေရှာပါသလဲကွယ်။
တခါတခါတွေးကြည့်မိ
ကျွန်တော် “ရယ်” လိုက်တိုင်းအဖြူရောင်လေး “မော” ရသလား
သိနေခဲ့ပါတယ်
ဆောင်းကိုမမြင်သေးဘဲနဲ့တောင်
“အဖြူရောင်လေး” က ဖွဲ….. ကြွေ…… မှုန်……. ဝေ
နှင်းတွေ စွေနှင့်ရတာ
ဒါ…. အရမ်းလှတဲ့ တန်ဆာဆင်မှုပါကွယ်
ကျွန်တော်သိပါတယ်
တကယ်ပါပဲ
ကျွန်တော့်ရင်တည့်တည့်ကိုမှ
ဖြူဖြူလွလွ “အဖြူရောင်ကဗျာလေး” တစ်စ
လွင့်…….. ကျလာခဲ့တာ…………
